Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Beste jarduera batzuk

Ikastaroak eta tailerrak

Online

Museoaren Lagunak

Orokorra

Guggenheim Bilbao Museoaren online arte-ikastaroek arte moderno eta garaikidearen historiako funtsezko gai eta kontzeptuak aztertzen dituzte gaur egungo ikuspegitik azalduta eta erraz ulertzeko moduan, baina beti ere zehaztasunez.
Ikastaroetan arlo bakoitzeko adituek hartuko dute parte, eta Bilduma Propioa eta Museoaren programazio dinamikoa eta askotarikoa izango dira abiapuntua. Ikastaroek ikuspegi orokorra eskaintzea dute xede eta, era berean, jakin-mina eta ezagutzeko eta aztertzeko gogoa piztea.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Jakina denez, emakume artistak itzalean egon izan dira  (salbuespenak salbuespen) harik eta XIX. mendearen amaiera aldera haietako batzuk margolari inpresionisten artean nabarmentzen hasi ziren arte beren sormen-lanari esker.
Guggenheim Bilbao Museoaren lehenengo online ikastaroa Bartzelonako Unibertsitateko Artearen Historiako katedradun emeritua den Lourdes Cirlotek emango du. Ikastaro horretan, emakumeak XX. eta XXI. mendeetako artearen joeretan izan duen protagonismoa aztertuko da. Besteak beste, hauek ikastea da helburua:
<ul>
<li>Artearen historian emakumeak izan duen zeregin ia ikusezina ezagutzea, artegintza moderno eta garaikideko protagonistetako batzuei arreta berezia eskainiz.</li>
<li>Egin zuten benetako ekarpena aztertzea eta XX. eta XXI. mendeetako artearen historian kokatzea.</li>
<li>Adierazpide batzuetan (esaterako, ehungintzan edo performancean) izan duten eragile-lana aztertzea, baita bideo-sorkuntzan egindako ekarpen garrantzitsua ere.</li>
</ul>
Sarrera, egitaraua eta programa <a href="http://cms.guggenheim-bilbao.eus/uploads/2022/01/Sarrera.pdf">[+info]</a> 
Irakaslea 
Lourdes Cirlot, Artearen Historiako katedradun emeritua Bartzelonako Unibertsitatean
&nbsp;

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Guggenheim Bilbao Museoaren online arte-ikastaroek arte moderno eta garaikidearen historiako funtsezko gai

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak | Guggenheim Bilbao Museoa

Artea, inguratzen gaituen munduaren isla gisa

Arte garaikidea ezagutzeko hastapen-ikastaroa, “Artea Ezagutzen” sailekoa, oinarrizko eta erreferentziazko kontzeptuei buruzkoa, ikuspegi dibulgatibo eta irisgarriarekin. Serieak hiru modulutan egituratutako ikastaroak eskaintzen ditu. Modu independentean ere funtzionatzen dute, eta arte garaikideaz eta erakusketez nahiz Museoaren Bildumaz errazago gozatzeko aukera ematen dute, ikaskuntza erraz baten bidez.
Gidaria: Iñigo Sarriugarte Gomez, EHU/UPVko Artearen Historiako irakasle titularra 
Modalitatea: presentziala (online egiteko aukera) 
Eguna eta ordua: asteartea, 18:00–19:30 
Arte garaikidean interesatuta dauden helduei zuzendua 
Hizkuntza: gaztelania
ZER IKASIKO DUGU? 
<ul>
<li>Funtsezko artista batzuen lana ezagutuko dugu, haien ekarpenak eta eraginak nahiz obra jakin batzuk eta haien testuinguru historikoa, soziopolitikoa eta plastikoa.</li>
<li>Arte moderno eta garaikidera hurbilduko gara, eta arlo horretan konfiantza izateko oinarrizko kontzeptu batzuk eskuratuko ditugu.</li>
<li>Emakume artisten lana eta artearen historian dagokien lekua aztertuko ditugu.</li>
<li>Arte garaikidean behin eta berriz agertzen diren gaiak jorratuko ditugu; hala nola, berdintasuna, aniztasuna eta iraunkortasuna. Gaur egun, garrantzi eta ospe handia hartu dute gizartean.</li>
</ul>
PROGRAMA
I. Modulua. UTOPIAK ETA ZAPUZTUTAKO AMETSAK 
Urriak 21: Eraldaketa sozialak, zientifikoak eta kulturalak 
XIX. mendearen amaieratik hasi eta Bigarren Mundu Gerra piztu zen arte, munduak eraldaketa politiko, sozial eta teknologiko sakonak izan zituen. Industria Iraultza berantiarrak urbanizazioa, aurrerapen teknologiko eta zientifikoak, klase berrien sorrera eta mugimendu sozialak bultzatu zituen. Lehen Mundu Gerrarekin aurreko ordenarekiko erabateko haustura gertatu zen, Europa suntsitua atzean utziz eta mugimendu iraultzaile eta autoritarioak sortuz. Gainera, 1929ko krisi ekonomiko sakonak ezegonkortasun are handiagoa eragin zuen, hainbat herrialdetan erregimen totalitarioen gorakada bultzatuz.
Denboraldi horretan zehar, zientzia eta teknologia azkar aurreratu ziren, fisikan, kimikan edo biologian egindako aurkikuntzei esker, Horrela, munduaren ikuspegia eraldatzeaz gain, modernitaterako oinarriak ezarri zituzten. Aldi berean, pentsamendu-korronte berriak sortu ziren; hala nola, positibismoa, psikoanalisia eta abangoardia artistikoak, balio tradizionalak zalantzan jarri eta adierazpen- eta ezagutza-modu berriak aztertu zituztenak.
Azaroak 4: Mugimendu utopiko eta beste begirada batzuen sorrera 
Arteetan, Kubismoa, Futurismoa, Dadaismoa eta Surrealismoa bezalako abangoardiako mugimenduek garaiko ziurgabetasuna eta berritzeko nahia erakutsi zuten. Mugimendu utopiko eta idealistetatik hurbil zeuden lengoaia artistiko eta pentsamendu-modu berriek mundu hobea eraiki nahi zuten artearen bidez; bitartean, aurreko mendearen amaieran hasitako lengoaia abstraktuak finkatu ziren, eta beste adierazpen-modu batzuek errealitatetik urrundutako begiradak eta irudikapenak sortzen zituzten.
Artista batzuk: Giacomo Balla, Marcel Duchamp, Vasily Kandinsky, Hilma af Klint, René Magritte, Kazimir Malevich, Maruja Mallo, Piet Mondrian, Kurt Schwitters.
Azaroak 18: Komuna eta komunitate artistikoak: Monte Veritá eta Bauhaus 
XX. mendearen lehen erdialdean, komunitate artistikoak esperimentaziorako, hausturarako eta bizimodu eta sorkuntza berrien bilaketa kolektiborako gune gisa sortu ziren Europan eta Amerikan. Ideal utopikoek eta konbentzio sozialei aurre egiteko nahiak inspiratuta, komunitate horietan artistak, intelektualak eta eraldaketa kulturalean interesa zuten pertsonak biltzen ziren.
Europan, Monte Veritá izan zen kasu enblematiko bat, Suitzan kokatua eta mugimendu alternatiboen aitzindaritzat hartua. Bertan, XX. mendearen hasieratik, artistak, idazleak eta pentsalariak bildu ziren askatasuna, bizitza naturala eta esperimentazioa bilatzeko asmoarekin, artearen eta ideien esparruetan. Monte Veritá artea, dantza, espiritualtasuna, begetarianismoa eta komunitate-bizitza konbinatzen zituzten praktika berrien laborategi bilakatu zen, eta, horrela, ondorengo hamarkadetako bilaketa kontrakultural asko aurreratu zituen.
Europan, aldi berean, beste ekimen batzuk loratu ziren; esate baterako, Bauhaus Alemanian. Diziplinarteko sormen-komunitate gisa funtzionatu zuen, eta artea, arkitektura eta diseinua ikuspegi kolektibo eta eraldatzaile batekin integratu ziren.
Artista batzuk: Josef eta Anni Albers, Marcel Breuer, Isadora Duncan, Walter Gropius, Alexej von Jawlensky, Paul Klee, Rudolf von Laban; László Moholy-Nagy, Oskar Schlemmer, Gunta Stölzl, Marianne von Werefkin, Mary Wigman.
Abenduak 2: Maria Helena Vieira da Silva. Espazioaren anatomia erakusketara bisita
II. Modulua. ASKATASUN BERRIEN BILA 
Urtarrilak 20: Eraldaketa sozialak, zientifikoak eta kulturalak 
Bigarren Mundu Gerraren amaierarekin batera eraldaketarako eta birdefinizio globalerako aro berri bat hasi zen. Gerra Hotza eta Europaren eta Japoniaren berreraikitzea hasi ziren, eta mendebaldeko herrialde askotan aurrekaririk gabeko garapen ekonomikoa gertatu zen. Asian eta Afrikan deskolonizazio-mugimendu garrantzitsuak sortu ziren, mapa politiko globala eraldatuz.
Arlo zientifikoan, aurrerapen nabarmenak egin ziren; hala nola, lasterketa espaziala eta gizakia ilargira iristea 1969an, energia nuklearrean eta medikuntzan egindako aurrerapenak edo komunikazioak eta eguneroko bizitza irauli zituzten teknologia berrien garapena.
Existentzialismoa, estrukturalismoa, hermeneutika, postmodernismoa eta askapen-mugimenduak bezalako korronte filosofikoek ahotsa eman zieten ziurgabetasunari, berreraikuntzari eta askatasun- eta bizi-zentzuaren forma berrien bilaketari aurre egiten zien gizateria baten kezkei.
Otsailak 3: Organizismoa, St. Ivesen Eskola, Informalismoa, New Yorkeko Eskola versus Pop Artea 
Bigarren Mundu gerraren ondoren, arte bisualek eraldaketa sakonak izan zituzten, eta aldaketa bat behar zuen gizartearen tentsioak eta nahiak agerian geratu ziren. Estetika tradizionalak hautsi zituzten mugimenduak sortu ziren, batez ere hizkuntza artistiko abstraktuak bultzatuz.
1950eko hamarkadan, Londresek gatazka belikotik berreskuratu nahian jarraitzen zuen bitartean, Cornuallesko kolonia artistikoak, St. Ives Eskola deiturikoak, eta organizismo eskultorikoak gidatu zuten abangoardia-artea Ingalaterran. Korronte horiek naturan eta obra artistikoa bere ingurunean harmoniaz integratzean inspiratutako formak aztertzen dituzte. Era berean, eta Frantziako eta Espainiako Informalismoarekin batera, Ipar Amerikako Espresionismo Abstraktuarekin loturak ezarri ziren, nazioartean pintura abstraktua sustatuz.
Bestalde, Pop Artea, herri-kulturaren eta estilo figuratiboaren gidaria, eszenan sartu zen.
Artista batzuk: Arman, Marisol Escobar, Richard Hamilton, Barbara Hepworth, Roy Lichtenstein, Henry Moore, Ben Nicholson, Andy Warhol.
Otsailak 17: Artearen desmaterializazioa eta “erakusketa-espazio” berrien agerpena 
1960ko eta 1970eko hamarkadetan, mugimendu bakezale eta feministekin batera, lurraren, paisaiaren, naturaren eta abarren aldeko interesa berpiztu zen, irudikapen hutsetik oso bestelakoa izan arren, mende batzuetatik hona egiten zen bezala. Artean, Land Art, Povera Artea edo arte atmosferikoa loratu ziren:  errealitatea irudikatzeko edo bertan esku hartzeko modu berriak. Natura material gisa (lurra, zura, elementuak, etab.) eta/edo sortzeko tresna gisa erabiltzen zen. Horrela, praktika berri horiek sortzeko eta erakusteko espazio berriak agertuko dira; esate baterako, ingurune naturalak edo irekiak, museoen eta galerien hormak zeharkatzen dituztenak.
Perfomancearen artearen eta zenbait aldarrikapen feminista eta bakezaleren bidez, giza gorputzak ezohiko ikusgarritasuna hartuko du.
Artista batzuk: Giovanni Anselmo, Jannis Kounellis, Richard Long, Fujiko Nakaya, Robert Smithson, James Turrell, Yoko Ono
Martxoak 3: Bilduma Iraunkorra eta Lurraren Arteak I erakusketa ezagutzeko bisita 
III. Modulua. MUGARIK GABE. AMA LURRA 
Martxoak 17: Eraldaketa sozialak, zientifikoak eta kulturalak 
1989an, Berlingo harresiaren erorketarekin, Gerra Hotzaren amaiera etorri zen, eta globalizazio azkarraren eta aldaketa politiko esanguratsuen aro baten hasiera izan zen. Sozialki, eskubide zibilen, genero-berdintasunaren eta aniztasunaren aldeko mugimenduek ikusgarritasuna eta indarra irabazi zituzten planeta osoan.
Arlo zientifikoan, Internet eta teknologia digitalak hedatzeak komunikazioak, hezkuntza eta gizarte- eta lan-harremanak irauli dituzte. Giza genomaren sekuentzia, energia berriztagarrien aurrerapena eta ikerketa espaziala bezalako aurkikuntzek ezagutzaren horizonteak zabaldu dituzte.
Postmodernismoaren ondoren, filosofia pluralagoa eta anitzagoa izango da, eta, besteak beste, gai hauek jorratuko dira: demokrazia, justizia globala, etika teknologikoa, kontzientzia ekologikoa, ekofeminismoa eta ikuspegi dekolonialak.
Praktika artistiko berriak sortuko dira, eta gizarte-, ingurumen- eta talde-nortasunari buruzko hausnarketa-gunea bilatu eta aurkeztuko dute.
Apirilak 7: Ideia eta sortzeko modu berriak agertzea mendebaldeko arte modernoaz haratago 
Magiciens de la Terre erakusketa 1989an inauguratu zen Parisen, eta Jean-Hubert Martinek egin zituen komisario lanak. Erakusketak eragin nabarmena izan zuen artearen munduan, arte garaikideko erakusketen ikuspegi eurozentriko eta kolonialista desafiatzeagatik. Erakusketan munduko hainbat lekutako artisten obrak bildu ziren, erakusketak mendebaldeko egileetara mugatzeko tradizioa hautsiz.
Aurrerago, artista bakoitzak benetan zer leku betetzen duen jabetzeak etengabeko eztabaida eta hausnarketa bat ireki zituen, arte garaikidearen deskolonizazioaren inguruan. Modu horretan, historiografia “ofiziala” zalantzan jarriko da, ia beti ikuspuntu bakar batetik kontatua, eta lehen ahotsik ez zuten beste praktika artistiko batzuk ikusaraziz.
Artista batzuk: Agnes Denes, Guillermo Gomez-Peña, Barbara Kruger, Cildo Meireles, Ana Mendieta, Huang Yong Ping, Susana Solano, Cecilia Vicuña
Apirilak 21: Ruth Asawa eta Lurraren Arteak II erakusketak ezagutzeko bisita
Maiatzak 5: Arte garaikidea eta ingurumen-iraunkortasuna. Artea aldaketa-eragile gisa? 
Azken hamarkadetan, klima-aldaketaren inguruan eta gizakiak aldaketa horretan duen erantzukizunaren inguruan kontzientziazio handiagoa izatera iritsi gara, eta, era horretan, artisten belaunaldi horren prozesuen eta sortzeko asmoaren helburua da mehatxu horren gainean sentsibilizatzea artearen bitartez. Nekazaritza, agronomia, botanika, geologia, kimika, fisika edo biologia bezalako praktikak praktika artistikoekin gurutzatuko dira ezinbestean.
Halaber, horrekin agerian geratuko da mundu naturalarekin eta inguratzen gaituen ingurunearekin orain arte erlazionatzeko izan dugun modua eta egun duguna; alegia, “ikusle” izatetik kontzientzia eta inplikazio handiagoa izatera nola igaro garen, eta hori praktika artistiko garaikideetan islatuko da.
Artista batzuk: El Anatsui, Olafur Eliasson, Fernando Garcia-Dory, Julie Mehretu, Asuncion Molinos Gordo.
&nbsp;
Irudia: 
Maria Helena Vieira da Silva (1908–1992) 
Balleteko figura (Figure de ballet), 1948 
Olio-pintura eta grafitoa mihise gainean, 27 × 46 cm 
Eskaintza: Galerie Jeanne Bucher Jaeger, Paris–Lisboa 
CR587

Arte garaikidea ezagutzeko hastapen-ikastaroa, “Artea Ezagutzen” sailekoa, oinarrizko eta erreferentziazko kontzeptuei buruzkoa, ikuspegi dibulgatibo eta irisgarriarekin.

Artea, inguratzen gaituen munduaren isla gisa | Guggenheim Bilbao Museoa

Lagunartean: bisita eta bazkari azkarra

Lagunak

Ezagutu Museoaren erakusketa berria:  Lurraren arteak
Aprobetxatu eguerdiak Museoko aldi baterako erakusketak ezagutzeko eta, ondoren, Guggenheim Bilbao Tabernan menu azkar bat dastatzeko.
Menua
Aperitiboa: Gazpatxoa
Plater nagusia: Berenjena-pastela edo hanburgesa (beganoa edo txahal-haragizkoa)
Postrea: laranja-bizkotxoa edo txokolate-bizkotxoa
Ogia eta ura
Bi kopa ardo pertsonako
Hizkuntza: gaztelania
Museoaren Lagunentzat soilik

Aprobetxatu eguerdiak Museoko aldi baterako erakusketak ezagutzeko eta, ondoren, Guggenheim Bilbao Tabernan menu azkar bat dastatzeko.

Lagunartean: bisita eta bazkari azkarra | Guggenheim Bilbao Museoa

Bisita gidatuak 

Bisitaldiak

Aprobetxatu gaztelaniaz eta euskaraz egingo diren bisita gidatuak Lurraren arteak erakusketa, Museoaren Bildumaren aurkezpen berria nahiz Maria Helena Vieira da Silva artistaren lana ezagutzeko.
Gogoratu Guggenheim Bilbao Kanalean erakusketei buruzko online eduki esklusiboak dituzula eskura: entzuteko gidak, komisarioek gidatutako bisitak eta askoz gehiago.
<table style="height: 552px;" width="823">
<tbody>
<tr>
<td width="321">EGUNA </td>
<td width="66">ORDUA</td>
<td width="85"></td>
<td width="104">HIZKUNTZA</td>
</tr>
<tr>
<td width="321">Lurraren arteak</td>
<td width="66">60 min</td>
<td width="85">20 perts.</td>
<td width="104"></td>
</tr>
<tr>
<td width="321">Otsailak 6, ostirala</td>
<td width="66">12:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 6, ostirala</td>
<td width="66">13:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 8, igandea</td>
<td width="66">12:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 8, igandea</td>
<td width="66">13:00</td>
<td width="85">Talde 1</td>
<td width="104">euskara</td>
</tr>
<tr>
<td width="321">Otsailak 13, ostirala</td>
<td width="66">17:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 13, ostirala</td>
<td width="66">18:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 15, igandea</td>
<td width="66">17:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 15, igandea</td>
<td width="66">18:00</td>
<td width="85">Talde 1</td>
<td width="104">euskara</td>
</tr>
<tr>
<td width="321">Guggenheim Bilbao Museoaren Bildumako artelanak</td>
<td width="66">60 min</td>
<td width="85">20 perts.</td>
<td width="104">HIZKUNTZA</td>
</tr>
<tr>
<td width="321">Otsailak 20, ostirala</td>
<td width="66">17:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Otsailak 22, igandea</td>
<td width="66">18:00</td>
<td width="85">Talde 1</td>
<td width="104">gaztelania</td>
</tr>
<tr>
<td width="321">Maria Helena Vieira da Silva, azken aukera!</td>
<td width="66">60 min</td>
<td width="85">20 perts.</td>
<td width="104">HIZKUNTZA</td>
</tr>
<tr>
<td width="321">Otsailak 20, ostirala</td>
<td width="66">18:00</td>
<td width="85">Talde 1</td>
<td width="104">euskara</td>
</tr>
<tr>
<td width="321">Otsailak 22, igandea</td>
<td width="66">17:00</td>
<td width="85">Talde 1</td>
<td width="104">gaztelania</td>
</tr>
</tbody>
</table>

Bisita gidatuak

Aprobetxatu gaztelaniaz eta euskaraz egingo diren bisita gidatuak Lurraren arteak erakusketa, Museoaren Bildumaren aurkezpen berria nahiz Maria Helena Vieira da Silva artistaren lana ezagutzeko.

Bisita gidatuak | Guggenheim Bilbao Museoa

Performance Doppel-Chess

Eszenan

Olatz de Andresek dantza, xakea eta arte plastikoak uztartuta sortu duen Doppel-Chess performance interaktiboaz gozatzeko aukera izango dugu.
Maria Helena Vieira da Silva margolariarentzat xakean aritzea garrantzitsua zen arrazionaltasunean eta adimenean oinarritutako analisi-prozedura gisa, eta sinetsita zegoen arrazoibide hori bestelako sormen-diziplinetara ere zabal zitekeela, esaterako, dantzara.
Lokke konpainiak eskainiko digun ikuskizun honen gai nagusiak xakea eta mugimendua dira: beren ekintzen eta xakeko piezen joan-etorriaren bidez elkarri lotutako bi gorputz, Vieira da Silvaren lanekin eta Museoko Atrioko arkitektura bikainarekin hartu-emanean aurkeztuak.
Iraupena, gutxi gorabehera: 15 min
Plaza-kopurua mugatua da
*Jarduerak aldaketak izan ditzake, eta grabatua izan daiteke dibulgazio- eta dokumentazio-helburuetarako.

Performance: Doppel-Chess

Disfruta de la performance interactiva Doppel-Chess, concebida por Olatz de Andrés, un diálogo de la danza con el ajedrez y las artes plásticas.

Performance: Doppel-Chess | Guggenheim Bilbao Museoa

ITP Aero

Baby Art: argiarekin eta airearekin jolasean 

Familiak

Haurrak eta familiak

Estimuluz jositako jolaserako gunea da, haurtxoek eta familiek Museoko artelanak ezagutzen dituzten bitartean elkarren arteko hartu-emana sustatzeko helburuz sortua. Hiruhileko honetan, artea, argiak eta airea uztartzen dituen ibilbide sentsoriala eskainiko dugu: askatasunez mugitzera eta materialekin esperimentatzera bultzatuz, etxeko txikienen jakin-mina eta pertzepzioa pizteko pentsatutako esperientzia murgiltzailea. Proposamenaren abiapuntua Museoan dauden argidun artelanak izango dira, esate baterako, Jenny Holzer edo Mark Leckeyrenak. Argipean eraldatzen diren koloreekin jolastuko gara, eta bestelako elementuak ere gehituko ditugu, adibidez, airea.
Saioen gidariak: Aitziber Aguirre, Mertxe Periz, Mónica Rodríguez-Curiel, Maite Ruiz
Otsailak 7, larunbata, eta otsailak 8, igandea: 12–24 hilabete (gaztelaniaz)
Otsailak 14, larunbata, eta otsailak 15, igandea: 6–12 hilabete (euskaraz)
Otsailak 21, larunbata, eta otsailak 22, igandea: 24–36 hilabete (gaztelaniaz)
Otsailak 28, larunbata, eta martxoak 1, igandea: 12–24 hilabete (euskaraz)
Adina: 6–36 hilabete
Iraupena: 120 min
Hizkuntza: euskara eta gaztelania
Plaza-kopurua mugatua da

Baby Art: argiarekin eta airearekin jolasean

Estimuluz jositako jolaserako gunea da, haurtxoek eta familiek Museoko artelanak ezagutzen dituzten bitartean elkarren arteko hartu-emana sustatzeko helburuz sortua.

Baby Art: argiarekin eta airearekin jolasean | Guggenheim Bilbao Museoa

Abentura artistikoak: planetaren zaintzailea  

Tailer honetan, parte-hartzaileek planeta babesteko pertsonaia bana sortuko dute hostoak, haziak, adarrak edo buztin naturala bezalako material organikoekin. Irudimena erabiliz, haurrek Lurraren zaintza irudikatuko duen zaindari sinboliko bat sortuko dute.
Jarduera honek zentzumenen bidezko esplorazioa, adierazpen artistikoa eta ingurunearen gaineko gogoeta uztartzen ditu, eta sormena, ingurumen-erantzukizuna eta kontzientzia ekologikoa sustatzen ditu modu ludikoan.
Saioaren gidariak: Aitziber Aguirre, Mónica Martínez, Adria Parravicini, Maite Ruiz
Otsailak 7, 14, 21 eta 28, larunbatak (gaztelaniaz); otsailak 8 eta martxoak 1, igandeak (euskaraz)
Adina: 3–5 urte
Iraupena: 90 min
Hizkuntza: euskara eta gaztelania
Plaza-kopurua mugatua da

Abentura artistikoak: planetaren zaintzailea

Tailer honetan, parte-hartzaileek planeta babesteko pertsonaia bana sortuko dute hostoak, haziak, adarrak edo buztin naturala bezalako material organikoekin.

Abentura artistikoak: planetaren zaintzailea | Guggenheim Bilbao Museoa

Books Alive! Aliens in the Museum

Identifikatu gabeko ezohiko fenomenoen ikertzailea dugu Cataplina, eta arraroak edo beste mundu batetik etorriak diren izakien bila dabil. Planeta alderik alde zeharkatzen du ohiz kanpoko izakiak aurkitzeko asmotan (hala nola martetarrak eta bestelako estralurtarrak), ondoren katalogo ilustratu bikain batean jaso ahal izateko. Museora misio berezi bat betetzera dator: erakusketa-aretoetako Pop artelanetan tarteka-marteka ezkutatuta dauden izaki arrotzak aurkitzea. Lagunduko al diozue zeregin zail horretan?
Saioaren gidaria: Catalina Martínez-Moro
Adina: 3–5 urte
Iraupena: 120 min
Hizkuntza: ingelesa
Plaza-kopurua mugatua da

Identifikatu gabeko ezohiko fenomenoen ikertzailea dugu Cataplina, eta arraroak edo beste mundu batetik etorriak diren izakien bila dabil.

Books Alive! Aliens in the Museum | Guggenheim Bilbao Museoa

Marrazki-ikastaroa: Marrazten ikasten 

Marrazteko teknika eta prozesu ugari modu dibertigarri eta erakargarrian aztertzeko pentsatutako tailerrak dira honakoak. Jarduera praktikoetan pinturak, pastela, pintzelak, tintak eta bestelako materialak erabiliz, simetriari, degradazioari, konposizioari eta ehundurekin esperimentatzeari buruzko oinarrizko nozioak ikasiko ditugu, baita irudi bat urratsez urrats sortzeko prozesuak ere.
Urtarrilak 24, larunbata, eta urtarrilak 25, igandea 
Arrasto kontrolatua 
Pintzel txinatarrak eta tinta erabiltzen ikasiko dugu keinuaren energia eta mugimendua ezagutzen hasteko.
Urtarrilak 31, larunbata, eta otsailak 1, igandea 
Marrazki simetrikoak 
Irudi erabat simetrikoak sortuko ditugu monotipoa edo soka bidezko estanpazioa bezalako tekniken bidez.
Otsailak 7, larunbata, eta otsailak 8, igandea 
Egunsentiak. Kolorearen teoria ezagutuz 
Klarionak eta pastelak erabiliko ditugu koloreak nahastu eta degradatuak sortzeko. Tonuak konbinatzen ikasiko dugu, bata bestearen gainean emeki igaro daitezen, egunsentiko koloreak bezalaxe.
Otsailak 14, larunbata, eta otsailak 15, igandea 
Animaliak elurretan 
Txantiloiak eta erreserbako teknikak erabiliko ditugu kontrasteak eta testurak sortzeko.
Otsailak 21, larunbata, eta otsailak 22, igandea 
Hankaz gora! Hondoa eta figura
Ikatz-ziriaren teknika ikasiko dugu animalien irudiak erreferentziatzat erabilita.
Otsailak 28, larunbata, eta martxoak 1, igandea 
Marrazki ezkutua 
Teknika harrigarri bat ezagutuko dugu: tempera-resist; harekin, marrazkia ur azpian agertzen da, argazki bat errebelatuko bagenu bezala.
Saioaren gidaria: Raúl Domínguez Pazo
Ordua: 17:30
Adina: 6–10 urte
Iraupena: 90 min
Hizkuntza: gaztelania
Plaza-kopurua mugatua da

Marrazki-ikastaroa: Marrazten ikasiz

Tailer hauek marrazteko teknika eta prozesu ezberdinak modu dibertigarri eta estimulatzailean aztertzeko asmatu dira

Marrazki-ikastaroa: Marrazten ikasiz | Guggenheim Bilbao Museoa

Sormen-laborategia: asmatutako basoa 

Asmatutako baso bat eraikiko dugu mota guztietako material organikoak erabiliz: hostoak, adarrak, haziak, zuntz naturalak… Behaketaren eta jolasaren bitartez, parte-hartzaile bakoitzak formak eta testurak txertatuko ditu Lurraren arteak erakusketan oinarritutako paisaia kolektiboari bizia emateko. Esperimentazio plastikoa eta talde-lana uztartzen dituen proposamen honek zentzumenen eta artearen bidez naturara hurbiltzeko aukera eskaintzen digu, gure ingurunearen eta hura zaintzeak duen garrantziaren gaineko gogoeta sustatzeko helburuz.
Saioaren gidariak: Aitziber Aguirre, Mónica Martínez, Adria Parravicini
Otsailak 8 eta 15 (gaztelaniaz) eta 22 (euskaraz), igandeak
Adina: 6–10 urte
Iraupena: 90 min
Hizkuntza: euskara eta gaztelania
Plaza-kopurua mugatua da

Sormen-laborategia: asmatutako basoa

Asmatutako baso bat eraikiko dugu mota guztietako material organikoak erabiliz:

Sormen-laborategia: asmatutako basoa | Guggenheim Bilbao Museoa

Irudi digitalari buruzko tailerra: bola zoroa 

Sormena darien argazkiak egingo ditugu argazkigintzan efektu bisual harrigarriak sortzeko erabiltzen den lensball edo kristalezko bola erabiliz. Esfera garden horrek leiho magiko baten antzera funtzionatzen du, eta aukera emango ditu Lurraren arteak erakusketa ikuspegi guztiz originaletatik begiratu eta argazkitan hartzeko. Jarduera honi esker, arreta garatzeko, esperimentatzeko eta ingurunea argazkien bidez behatzeko eta islatzeko modu berriak aurkitzeko gai izango gara.
Saioaren gidaria: Aitziber Aguirre
Ordua: 10:15
Adina: 9–12 urte
Hizkuntza: ele bitan (euskaraz eta gaztelaniaz)
Plaza-kopurua mugatua da

Irudi digitalari buruzko tailerra: bola zoroa

Sormena darien argazkiak egingo ditugu argazkigintzan efektu bisual harrigarriak sortzeko erabiltzen den lensball edo kristalezko bola erabiliz

Irudi digitalari buruzko tailerra: bola zoroa | Guggenheim Bilbao Museoa

Occident

Doako sarbidea: Guggenheim Bilbao Museoaren Bilduma

Hezitzaileak

Ikastetxeak

Irakasleak

Hezitzaileentzako berariazko aukera Museoaren azken erosketak, dohaintzak eta maileguak biltzen dituen erakusketa berria bisitatzeko. Gerraostetik gaur egunera arteko bidaia artearen historian zehar, Jenny Holzer, Jean-Michel Basquiat, Andy Warhol, Jeff Koons edo Helen Frankenthaler bezalako artista ezagunen 50 lan baino gehiagoren bitartez. Sortzaileek emozioak, ideiak eta gaiak lengoaia eta estilo desberdinen bidez nola adierazten dituzten aztertzeko aukera paregabea.
Ordutegia: 10:00–19:00
 
Helen Frankenthaler 
Requiem, 1992 
Akrilikoa mihisean 179,1 x 243,8 cm Guggenheim Bilbao Museoa © 2025 Helen Frankenthaler Foundation, INC / Artists Rights Society (ARS), New York / VEGAP

Hezitzaileentzako berariazko aukera Museoaren azken erosketak, dohaintzak eta maileguak biltzen dituen erakusketa berria bisitatzeko.

Doako sarbidea: Guggenheim Bilbao Museoaren Bilduma | Guggenheim Bilbao Museoa

Arriaga Antzokiarekin lankidetza 

Antzerki musikala. La ópera de los tres centavos
Erosi sarrera Antzokiko txarteldegian eta lortu % 25eko deskontua Lagun txartela erakutsita. Gehienez 2 sarrera txartel bakoitzeko.
&nbsp;

Arriaga Antzokiarekin lankidetza

Erosi sarrera online edo Antzokiko txarteldegian eta lortu % 25eko deskontua Lagun txartela erakutsita. Gehienez 2 sarrera txartel bakoitzeko. Online erosteko, sakatu “Deskontua duten kolektiboak” aukera.

Arriaga Antzokiarekin lankidetza | Guggenheim Bilbao Museoa

Menu berezia Bistró jatetxean otsailaren 13an eta 14an, gauez

Bistró Guggenheim Bilbao jatetxeak menu berezi bat proposatu du otsailaren 13 eta 14ko iluntzeetarako, gastronomiaz giro lasai eta garaikidean goza dezazun.
Sukaldaritza-esperientzia zaindua, aproposa bikotearekin partekatzeko nahiz lagunekin edo familiarekin elkartzeko. 
Menua bi gau horietan bakarrik eskainiko da 39 €-ren truke; halaber, gure ohiko karta egongo da.
Bistró jatetxearen sukaldaritza beste ikuspegi batetik dastatzeko gonbidapena egiten dizugu, Guggenheim Museoaren ondoan, ingurune paregabe batean.
Museoaren Lagunek %5eko deskontua izango dute.
<a href="https://www.covermanager.com/reservation/module_restaurant/Bistro-guggenheim/spanish?start=2026-02-13&amp;end=2026-02-15&amp;source=AAMM">ERRESERBATU</a>

Bistró Guggenheim Bilbao jatetxeak menu berezi bat proposatu du otsailaren 13 eta 14ko iluntzeetarako, gastronomiaz giro lasai eta garaikidean goza

Menu berezia Bistró jatetxean otsailaren 13an eta 14an, gauez | Guggenheim Bilbao Museoa

Oparitxo berezia Neruan otsailaren 13tik 15erako asteburuan 

Nerua Guggenheim Bilbao jatetxeak ongietorri-oparitxoa eskainiko du otsailaren 13, 14 eta 15ean. 
Asteburu horretan bazkaltzeko edo afaltzeko erreserba eginda duten pertsonek esperientziaren hasieran jasoko dute oparitxo hori.Keinu hori izango dute esperientzia gastronomikoak eta mahaian partekaturiko denborak. Hain zuzen ere, Neruaz eta Guggenheim Bilbao Museoaren inguruneaz gozatzeko modu bat da, xehetasun  txikiak kontuan hartuta.
Museoaren Lagunek %5eko deskontua izango dute.
<a href="https://www.covermanager.com/reservation/module_restaurant/nerua/spanish?start=2026-02-13&amp;end=2026-02-15&amp;source=AAMM">ERRESERBATU</a>

Oparitxo berezia Neruan otsailaren 13tik 15erako asteburuan

Nerua Guggenheim Bilbao jatetxeak ongietorri-oparitxoa eskainiko du otsailaren 13, 14 eta 15ean. Asteburu horretan bazkaltzeko edo afaltzeko erreserba

Oparitxo berezia Neruan otsailaren 13tik 15erako asteburuan | Guggenheim Bilbao Museoa

Proiekzioak: Teatro Realen Artxiboak

Teatro Realen artxibo bikaineko proiekzio-sorta berria izango dugu abian. Opera-ekoizpen handiak, kontzertuak, dantza, antzerkia… pieza klasikoak zein sortu berriak, formatu handian gozagarri.
LA TRAVIATA 
Giuseppe Verdi 
Verdiren lan ezagunenetako bat, 2025ean Teatro Real antzokiko eszenatokian aurkeztua, Willy Deckerren zuzendaritza artistiko bikainaren pean. 
Iraupen aproximatua: 2 ordu eta 21 minutu. Italieraz, gaztelaniazko azpitituluekin. Hiru ekitalditako opera.
Garaiz iritsi, mesedez

Teatro Realen artxibo bikaineko proiekzio-sorta berria izango dugu abian. Opera-ekoizpen handiak, kontzertuak, dantza, antzerkia… pieza klasikoak zein sortu berriak, formatu handian gozagarri.

Proiekzioak: Teatro Realen Artxiboak | Guggenheim Bilbao Museoa

Jolas-esperientziak

Pieza solteekin jolasean 
Otsailak 21, larunbata
Proposamen honek egituratu gabeko jolas irekia planteatzen du Lurraren arteak erakusketarekin lotura duten artistak inspirazio-iturri hartuta. Bertan, material naturalak libreki esploratu ahal izango dira formak, konposizioak eta esku-hartze artistiko txikiak sortze aldera. Modu horretan, konturatuko gara natura bera ere sormenerako lengoaia izan daitekeela.
Jarduerak esperimentazioa eta materialekiko sentsibilitatea sustatzen ditu, eta aukera eskaintzen du elementu organikoak erabiliz figurak, eskulturak nahiz mapak egiteko, izan banaka zein taldeka.
Saioaren gidaria: VACA rules!
Jolas sentsorialak: sentitu, jolastu, sortu 
Otsailak 14, larunbata
Zentzumenen bidez, iraganaren eta orainaren arteko zubia ikertuko dugu mundu magikoak eta errealitatea ikusteko modu berriak ezagutuz.
Mark Leckey artistaren instalazioa bisitatuta, “bere bikaintasunean zegoen hiriak” gure baitan pizten dituen emozioak arakatuko ditugu. Soinuak inguratu eta inspiratu egingo gaitu nor bere ipuinaren protagonista bihurtzeraino. Ekintzaz, irudimenez eta dibertsioz betetako esperientzia izango da, hiriaren ikuspegi propioa izatera gonbidatuko gaituena.
Proposatutako jolas sentsorialek bizipen aberasgarri eta esanguratsua bultzatzen dute, eta familia osoak elkarlanean askatasun osoz parte hartzeko diseinatuta daude.
Saioaren gidaria: Eliezer Ruiz
Ordua: 10:15, 3–5 urte arteko talde bat; 12:15, 6–10 urte arteko talde bat
Iraupena: 90 min
Hizkuntza: ele bitan (euskaraz eta gaztelaniaz)
Plaza-kopurua mugatua da

Proposamen honek egituratu gabeko jolas irekia planteatzen du Lurraren arteak erakusketarekin lotura duten artistak inspirazio-iturri hartuta

Jolas-esperientziak | Guggenheim Bilbao Museoa

Books Alive! Little Dots  

Vieira da Silvaren erakusketan, artistak bere pinturetan labirinto zirraragarriak sortzeko lerroak eta koloreak nola erabiltzen dituen ikusiko dugu. Gainera, istorio bitxi bat ezagutuko dugu, The Dot izenekoa; bertan, protagonistak bere estilo artistiko pertsonala aurkitzen du puntu batetik abiatuta. Elementu xume batek askoz handiagoa eta harrigarriagoa den zerbaiterantz nola eboluziona dezakeen ikusiko dugu; eta, puntu mordoa abiapuntu hartuta, lerroak, irudiak eta konposizioak marraztera jolastuko gara. Jarduera honek irudimena piztea, prozesua partekatzea eta adierazpide artistiko berriak ikastea du helburu.
Saioaren gidaria: Adria Parravicini
Adina: 6–10 urte
Iraupena: 120 min
Hizkuntza: ingelesa
Plaza-kopurua mugatua da

Books Alive! Little Dots

Vieira da Silvaren erakusketan, artistak bere pinturetan labirinto zirraragarriak sortzeko lerroak eta koloreak nola erabiltzen dituen ikusiko dugu.

Books Alive! Little Dots | Guggenheim Bilbao Museoa

Yoga familiartean 

Familiartean egiteko jarduera honek unea partekatzeko aukera eskaintzen digu guztiontzako moduko yoga-mugimenduen bidez. Ama lurrarekin konektatuko gara, eta eskaintzen digun guztia nola itzul diezaiokegun aztertuko dugu.
Arnasketak gidatuko du gure gorputza, sustraitzen lagunduko diguten asana ezberdinen bitartez, eta lurraren indarra eta energia sentitzera eramango gaitu. Lurraren adierazpen bihurtuko gara: zuhaitz, lore, ibai… lurrarekiko errespetuak, zaintzak eta esker onak batutako familia handi bateko kide izatera iritsi baikaitezke horrela.
Saioaren gidaria: Eliezer Ruiz
Edades: 6–10 años
Duración: 90 min
Idioma: bilingüe (español, euskera)
No se requiere experiencia previa
Aforo limitado | Plazas limitadas

Yoga familiartean

Familiartean egiteko jarduera honek unea partekatzeko aukera eskaintzen digu guztiontzako moduko yoga-mugimenduen bidez.

Yoga familiartean | Guggenheim Bilbao Museoa

Artea &…

Artea &amp; musika: partitura grafikoak 
Otsailak 15, igandea
Tailer honek zeure partitura grafikoak sortu eta interpretatzeko aukera eskainiko dizu nota tradizionalen ordez marrazkiak eta sinboloak darabiltzan notazio musikala erabiliz. Partitura konbentzional batean bezala, partitura grafikoetan denbora, altuera eta intentsitatea bezalako dimentsioak erregistratzen dira, eta haurrek, sormena aske utzirik, esperientziaren bidez barneratuko dituzte kontzeptu horiek. Tailerrak lengoaia desberdinak uztartzen ditu —musika, arte plastikoak eta arte eszenikoak—, eta aukera ematen die familiei musika diziplina oro gainditzen duen modu irudimentsuan bizitzeko, erreprodukzio hutsaz harago.
Saioaren gidaria: Adria Parravicini
Artea &amp; mugimendua: gorputzarekin marrazten 
Otsailak 22, igandea
Marrazkiaren eta mugimenduaren artean egon daitekeen harremana jorratzeko saioa dugu honako hau. Ez duzu eskuarekin soilik marraztuko: gorputz osoak hartuko du parte sormen-ekintzan. Jauzi eginez, biraka ibiliz, barre eginez, dantzatuz edo espazioan zehar mugituz, ekintza fisikoak trazu grafikoan —eta alderantziz— zer-nolako eragina izan dezakeen ikusiko dugu.
Adi! Jolas honek emozio handia eta barre-algarak eragin ditzake. Eta onena da ez daukazula marrazten edota dantzatzen jakin beharrik.
Familiarekin, bikoteka, bakarka… mugitu ahal izango zara. Jardueran landutako ikuspegia Simona Lobefaroren eta Alessandro Lumareren (Segni Mossi) ikerketa-prozesuan inspiratuta dago, eta aukera eskaintzen du askotan bereizitzat jotzen diren bi lengoaiaren arteko batasuna aztertzeko: mugimendua eta marrazkia.
Saioaren gidaria: VACA rules!
Ordua: 10:15, 3–5 urte arteko talde bat; 12:15, 6–10 urte arteko talde bat
Iraupena: 90 min
Hizkuntza: gaztelania
Plaza-kopurua mugatua da

Artea &amp; musika: partitura grafikoak Otsailak 15, igandea Tailer honek zeure partitura grafikoak sortu eta interpretatzeko aukera eskainiko dizu nota

Artea &amp;… | Guggenheim Bilbao Museoa

Artea &… | Guggenheim Bilbao Museoa

Yoga Integrala [+15]

Wellbeing

Museoak yoga integral saio bat antolatu du Richard Serraren Denboraren materia instalazioak eskaintzen duen ingurune paregabean.
Saioa maila guztietako jendearentzat da, hasiberrientzat ere bai. Aparteko esperientzia hau Museoa oraindik itxita dagoela hasiko da parte-hartzaileek zeharo une berezia bizitzeko aukera izan dezaten. Serraren eskulturak inspirazio-iturri izango dira jakin-min atseginaren bidez presentzia, grabitate-indarra edo oreka bezalako alderdietan sakontzeko. Arnasketa-ariketen eta yoga integraleko jarreren bidez, gogoa eta gorputza orekatuko ditugu geure buruarekiko eta ingurunearekiko konexioa indartuta. Saioa amaitzeko, meditazio labur bat egingo dugu igandeari lasaitasun osoz ekiteko.
Saioaren gidaria: Vanesa Cuesta
Iraupena: 90 min
Plaza-kopurua mugatua da
Ez da beharrezkoa aldez aurretik esperientziarik izatea
Museoak jarduera egiteko esterilak eskainiko ditu
*Jarduerak aldaketak izan ditzake
&nbsp;

Museoak yoga integral saio bat antolatu du Richard Serraren Denboraren materia instalazioak eskaintzen duen ingurune paregabean.

Yoga Integrala [+15] | Guggenheim Bilbao Museoa

Arte-gosariak… Gustuko al duzu solasean aritzea? [+65]

Hitzaldiak

Antzinako erritualak eta tradizioak izango da gure boluntariotza-programarekin lankidetzan egiten den Arte-gosariak ekimenaren gaia oraingo honetan. Jardueraren asmoa elkarrizketarako gune bat eskaintzea da, kulturan oinarritua, bertan bat egin dezaten denbora, kezkak, esperientziak eta gaurkotasuneko gaiei buruzko iritziak partekatzeko gogoz diren 65 urtetik gorako pertsonek eta Museoko boluntarioek. Giro hurbil eta lasaian egiten diren hizketaldiak dira, eta lotura izaten dute unean uneko erakusketekin nahiz Guggenheim Bilbao Museoaren Bildumarekin. Arte-gosariak saioa osatzeko, erakustaretoak bisitatzen dira Museoko gidari batek lagunduta.
Saio honetarako hautatutako gaia jorratzeko (“Antzinako erritualak eta tradizioak”), Lurraren arteak erakusketako zenbait obra eta Sky Hopinkaren Korde gabe bideo-instalazio murgiltzailea bisitatuko ditugu.
Iraupena: 90 min
65 urtetik gorakoentzako jarduera
Plaza-kopurua mugatua da

Antzinako erritualak eta tradizioak izango da gure boluntariotza-programarekin lankidetzan egiten den Arte-gosariak ekimenaren gaia oraingo honetan.

Arte-gosariak… Gustuko al duzu solasean aritzea? [+65] | Guggenheim Bilbao Museoa

Wellbeing bisitaldiak: Begirada barez [+18]

“Wellbeing artearen bidez” programaren baitan, Begirada barez ekimenak Museoko funts artistikoak lasai eta patxadan behatzeko aukera eskaintzen du. Bildumako hainbat pieza ezagutzeko bisita gidatu hau ibilbide kontziente bat da, oraina bizitzeko aukera ematen duena. Arnasketa-ariketek eta meditazioak artearekin konektatzen lagunduko digute, eta gure lasaitasun- eta ongizate-sentimendua indartuko dute.
Saioaren gidaria: Esther Boulandier
Iraupena, gutxi gorabehera: 40 min
Plaza-kopurua mugatua da
Ez da beharrezkoa aldez aurretik esperientziarik izatea
Bisitaldian zehar Museoko aulki ultra-arinak erabili nahi izatekotan, arropazaindegian eska ditzakezu jarduera hasi aurretik.

“Wellbeing artearen bidez” programaren baitan, Begirada barez ekimenak Museoko funts artistikoak lasai eta patxadan behatzeko aukera eskaintzen du.

Wellbeing bisitaldiak: Begirada barez [+18] | Guggenheim Bilbao Museoa

Lurraren arteak zinema-zikloa

Museoak Lurraren arteak erakusketaren harira aukeratutako dokumentalen eta fikziozko filmen proiekzioak aurkeztuko ditu. Ziklo honek gonbita egiten du iragana, oraina eta etorkizuna zeharkatuz lurrean bizitzeko modu desberdinei buruz hausnartzera, kultura eta natura uztartzen dituzten istorioen bitartez.​
Indigenen jakintza Amazoniako baso-soiltzearen aurkako erresistentzia gisa, naturalista viktoriarrek Ascension uhartean egindako esku-hartzea, gizakiek bizirik irauteko hibernatu egin behar duten mundu bati buruzko alegia bat, Espainia hustuko landa-mundua edo emakume erlezain baten bizitza Mazedonian dira jorratzen diren gai eta ikuspegien artean. Ostiraleko proiekzioetan Anna Cornudella Castro eta Juan Palacios izango dira, eta haiek zuzendutako filmen inguruan hitz egingo dute publikoarekin.​
Programa:
<ul>
<li class="my-2 [&amp;+p]:mt-4 [&amp;_strong:has(+br)]:inline-block [&amp;_strong:has(+br)]:pb-2">Asteazkena 18 
18:30 TerraForma (2024). Zuzendariak: Kevin Brennan eta Laurence Durkin. Ingelesez, gaztelaniazko azpitituluekin. Iraup.: 62 min.</li>
<li class="my-2 [&amp;+p]:mt-4 [&amp;_strong:has(+br)]:inline-block [&amp;_strong:has(+br)]:pb-2">Ostirala 20 
17:00 The Human Hibernation (2024). Zuzendaria: Anna Cornudella Castro. Ingelesez, gaztelaniazko azpitituluekin. Iraup.: 87 min. 
18:30 Atsedena 
18:45 Meseta (2019). Zuzendaria: Juan Palacios. Gaztelaniaz. Iraup.: 89 min. 
20:15 Ondorengo solasaldia.</li>
<li class="my-2 [&amp;+p]:mt-4 [&amp;_strong:has(+br)]:inline-block [&amp;_strong:has(+br)]:pb-2">Larunbata 21 
18:30 La memoria de los árboles (2023). Zuzendaria: Simón Hernández. Gaztelaniaz. Iraup.: 69 min.</li>
<li class="my-2 [&amp;+p]:mt-4 [&amp;_strong:has(+br)]:inline-block [&amp;_strong:has(+br)]:pb-2">Igandea 22 
18:30 Honeyland (2019). Zuzendariak: Tamara Kotevska eta Ljubomir Stefanov. Mazedonieraz, gaztelaniazko azpitituluekin. Iraup.: 85 min.</li>
</ul>
Programak aldaketak izan ditzake. Plaza-kopurua mugatua da

Lurraren arteak erakusketaren harira aukeratutako dokumentalen eta fikziozko filmen proiekzioak aurkeztuko ditu Museoak

Lurraren arteak zinema-zikloa | Guggenheim Bilbao Museoa

Gabonak Familiartean

Lagunentzako Egun Berezia

Art & Music

25. urteurrena

Programa publikoak

TopARTE

Jarduerak

Guggenheim Bilbao Museoaren jardueren egutegia. Kontzertuak, hitzaldiak, ikastaroak, familiarteko jarduerak, proiekzioak, hausnarketa partekatuak...

Jardueren egutegia | Guggenheim Bilbao Museoa

15€ Helduak - 7.5€ Erretiratuak - 7.5€ Ikasleak

Guggenheim Bilbao Museoaren TopARTE ekimenak ingurune hurbileneko erakunde eta eragile kulturalekin duen konpromisoa berretsi nahi du. Elkarlan emankor horren ondorioz, askotariko programa bat sortu da; diziplina anitz biltzen ditu, eduki eta formatu ugari, eta guztiei zuzenduta dago.
Horrenbestez, ekimen horren esparruan, hainbat diziplinatako jarduerak aurkezten dira Museoan; besteak beste, arkitektura, zinema, dantza, diseinua, gastronomia, musika, performancea eta antzerkiarekin erlazionatutakoak.

Non gauden

Irisgarritasuna

Zerbitzuak

Gomendioak

Baliabideak

Inguruan

Argibideak

Ordutegia eta tarifak

Eraikina

Guggenheim Bilbao Museoaren Bildumako artelanak

Nahitaezkoak

Artelanak

Artistak

Kontserbazioa

KOSMO

Bilduma

Prestatu zure bisita

Bisita gidatuak eta taldeak

Ibilbideak

ZERO

Bisita liburua

Lan eskaintzak

Basque Artist Program

BASQUE INTERNSHIPS 2025

Sustainability Officer - GETTY

Enplegua eta praktikak

Egungo Kide Korporatiboak

Onurak

Ekitaldi korporatiboak

Museoaren irudia

Proiektuak babestea

Enpresen babesa

Kanpoaldea

Barrualdea

Eraikuntza

Frank Gehry

Denak

GBInsights

Bisita birtualak

Esperientziak

Ikuspuntuak

Dokumentalak

HARREMANETARAKO

Argibideak: Museora bisitaldiak, sarreren salmenta, erreserbak, ordutegiak… 
<a href="mailto:informacion@guggenheim-bilbao.eus">informacion@guggenheim-bilbao.eus</a>
Jarri gurekin harremanetan: 
<a href="mailto:contacto@guggenheim-bilbao.eus">contacto@guggenheim-bilbao.eus</a>

#MYGUGGENHEIMBILBAO

Guggenheim Bilbao Museoa

Solomon R. Guggenheim Museum

Peggy Guggenheim Collection

Guggenheim Abu Dhabi

Asteartetik igandera, 10:00–19:00 <a href="/eu/ordutegia-eta-tarifak">[+info]</a>