Arte-ikastaroa

Ikastaroak eta tailerrak

Online

Museoaren Lagunak

Orokorra

Guggenheim Bilbao Museoaren online arte-ikastaroak aukera paregabea dira arte modernoaren eta garaikidearen historian funtsezkoak diren gai eta kontzeptuen inguruko prestakuntza ulerterraza eta zehatza jasotzeko gaur egungo ikuspegitik. Museoaren Bilduma eta haren erakusketa-programazio anitz eta dinamikoa hartzen dute abiapuntutzat ikastaroek, eta arlo bakoitzeko adituen parte-hartzea izaten dute.
Pop Artearen bereizgarri nagusiak estilo figuratiboa erabiltzea eta herri-kulturako irudiekin etengabe esperimentatzea izan ziren. Herri-kulturaren ikonoen bereganatze horretatik datorkio, hain zuzen, mugimenduari izena. Nahiz eta mugimendua hasiera batean Erresuma Batuan sortu XX. mendearen erdi aldera, berehala hartu zuen indarrik handiena Estatu Batuetan. Garai hartan han bizitako hazkunde ekonomiko azkarrak kontsumismoaren kultura gero eta handiagoa sortu zuen. Merkantilismoaren zabalkundeari erantzuteko, artista batzuek bere lanetan masen kulturatik zetozen irudiak sartu zituzten eta ekoizpen-metodo industrialak imitatzen (edo parodiatzen) zituzten teknika berriak jorratu. Obra horien iturrietako batzuk, adibidez, honako hauek dira: publizitate-hesiak, iragarkiak, filmak, telebista, aldizkari merkeak, komikiak eta baita erakusleiho komertzialak ere.
Ikastaro honen helburua da Pop Arteak nazioarteko eszena artistikoan duen garrantziaren eta izan dituen adierazpenen berri ematea. Mugimenduaren protagonista nagusiak aztertuko ditugu, bai eta gaur egungo praktika batzuetan duen eraginaren ikuspegi zabala eskaini ere.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek ikasketa-helburu hauek ditu, besteak beste:
<ul>
<li>Pop Artearen ezaugarri nagusiak ez ezik, nazioartean mugimendu horren sorrera eta bilakaera erraztu zuen testuinguru politikoa, ekonomikoa, soziala eta kulturala ere ulertzeko aukera ematen duten gakoak eskaintzea.</li>
<li>Mugimenduaren protagonista nagusien lana ezagutzea; horien artean, hainbat emakume artistarena eta baita haien obra ikonikoak ere.</li>
<li>Arte plastikoaz haratago, musika eta moda bezalako beste kultur adierazpen batzuetan izan zuen eragina agerian uztea.</li>
<li>Pop Artearen ondarea eta egungo sormenean duen eragina nabarmentzea, XXI. mendeko ikuspegitik.</li>
</ul>
Nork emango du 
Jose Lebrero Stals, kulturaren eta arte plastikoen kudeatzailea, erakusketen komisarioa. Malagako Picasso Museoko zuzendari artistikoa izan da.
Egitura eta Programa <a href="http://cms.guggenheim-bilbao.eus/uploads/2024/03/Programa-Curso-online-arte-pop-para-web.pdf">[+info]</a>

Online arte-ikastaroa: Pop Artea, atzo eta gaur

Guggenheim Bilbao Museoaren online arte-ikastaroak aukera paregabea dira arte modernoaren eta garaikidearen historian funtsezkoak diren gai eta kontzeptuen inguruko prestakuntza ulerterraza eta zehatza jasotzeko gaur egungo ikuspegitik.

Online arte-ikastaroa: Pop Artea, atzo eta gaur | Guggenheim Bilbao Museoa

Ikastaroak

Beste jarduera batzuk

Neurozientziaren bidez, ikas ezazu artean ez dagoela edertasun unibertsalaren eredu bakar bat, esperientzia estetiko indibidualen hainbat eredu baizik.
Edertasunaren pertzepzioaren bilakaera etengabe elikatu (eta moldatu) dute gorabehera fisiologikoek eta koiunturalek, eta horiei lotutako emozioek.
Artean, “edertasunaren” edo ederra denaren nolakotasunaren pertzepzioa interpretazio jakin bati lotuta egon ohi izan da: objektu edo adierazpen artistikoa osatzen duten atalen arteko eta inguruarekiko oreka eta harmonia egon behar da eta erakarpena eta ongizate emozionala eragin behar ditu. Horrela izan zen batez ere mendebaldeko artean, XVIII. mendeaz eta Ilustrazioaz geroztik. Hala ere, XX. mendearen hasierako abangoardia historikoek edertasun tradizionalaren ideiaren subertsioa ekarri zuten, batez ere Dadaismoak, mundua ikusteko eta ulertzeko dugun moduan izandako paradigma-aldaketa gertatu baitzen.
Horri guztiari artista bakoitzaren buru sortzailea eta dibergentea gehitzen zaio, eta batzuetan horrek gain hartzen du.
Ikastaroa Mara Dierssenek emango du. Neurobiologian doktorea eta dibulgatzaile zientifikoa da eta neurobiologiaren eta artearen arteko harremanarekiko interes handia du.
Dedikazioa: 6 ordu, zeure erritmora 
Publikoa: heldua, arte garaikidean interesatua 
Hizkuntza: gaztelania. 
Sarbidea: online plataforma bidez 
Ziurtagiria: automatikoa, ikastaroa amaitu ondoren
4 modulu, 16 bideo-saio eta material gehigarriak
ZER IKASIKO DUGU? 
<ol>
<li>Arte garaikidearen baitan edertasunaren eta ederra denaren esperimentazioa ikuspegi neurozientifikotik aztertuko dugu.</li>
<li>Artea egiten duenaren (artistaren) papera aztertuko dugu; baina, normalean egin ohi den bezala, haren sormen-prozesua bakarrik aztertu beharrean, haren adimen dibergentea ere kontuan hartuko dugu.</li>
<li>Guggenheim Bilbao Museoaren Bilduma eta, oro har, artea diziplina anitzeko ikuspegi batetik aztertuko dugu.</li>
<li>Arte garaikidearen ikuspegi “iragazkor” eta “demokratikoagoa” izaten ikasiko dugu, esperientzia estetiko anitz eta askotarikoak bistaraziz eta horiek eragiten dituzten arrazoiak zeintzuk diren zorroztasun zientifikoz azalduz.</li>
</ol>
PROGRAMA
Gaikako lau modulu eta artisten zenbait adibide proposatzen dira ikastaro honetan:
II. modulua: Artearen neurobiologia
Giza garuna adimenaren organo gisa ulertzen badugu eta artea, berriz, garunaren antolaketaren eta haren portaera sozialaren emaitza gisa, neurozientziak zenbait gako eman ditzake hori ikuspegi zientifiko eta biologikotik ulertzeko.
Modulu honetan, zientziako pertsonen lana ezagutuko dugu, arlo horretan ospetsuak izan direnena, eta gaur egun edertasunaren kontzeptua zein anitza den aztertuko dugu, tradizionalki bakar edo kanoniko gisa ulertzen bazen ere.
<ol>
<li> Bideoa: Santiago Ramón y Cajalen neuronen marrazkiak</li>
<li>Bideoa: Pertzepzioa artean</li>
<li> Bideoa: Edertasun unibertsala existitzen al da?</li>
<li>Bideoa: Semir Zeki eta neuroestetika</li>
</ol>
 II. modulua: Adimen artistikoa I: Sormena eta dibergentzia 
Hamaika adimen sortzaile mota daude, eta arte moderno eta garaikidean gaitasun disruptibo eta dibergentea dutenak nabarmentzen dira, tradizioarekin hausteagatik, teknika berriak aurkezteagatik edota ohiko edertasun-kanonarekiko paradigma-aldaketa bultzatzeagatik.
Artista eta obra batzuk ikusiko ditugu; hala nola,
<ol>
<li> Bideoa: Claude Moneten Nenufarrak eta Pablo Picassoren Poeta (Errealitatearen ikuspegi zatikatua)</li>
<li> Bideoa: Marcel Duchampen Botila-lehorgailua eta Andy Warholen Coca-Cola (Eguneroko objektua objektu artistiko gisa)</li>
<li> Bideoa: Jackson Pollocken Baso sorgindua eta Helen Frankenthalerren Santorini [margotzeko teknika berriak: dripping (tantak isurtzeko teknika) eta soak-stain (busti eta zikindu)]</li>
<li> Bideoa: Jean Dubuffeten Botere-borondatea eta Louise Bourgeoisen Ama (edertasuna itsusiak eta arrotzak diren gauzetan)</li>
</ol>
III. modulua: Adimen artistikoa II: Sinestesia
Sinestesia duten pertsonek mundua beste modu batera ikusten eta hautematen dute; haien sistema sentsorialean, zentzumenetako batek estimulu bat jasotzen duenean gutxienez beste zentzumen bat pizten da aldi berean. Artearen eremuan eta zenbait sormen-prozesutan ere gerta daiteke fenomeno hori.
Modulu honetan pintura sinestesikoak aztertuko ditugu, ondorengo artistenak:
<ol>
<li> Bideoa: Vincent Van Gogh (Kolorearen soinua)</li>
<li> Bideoa: Vasily Kandinsky (Inprobisazioak eta Konposizioak)</li>
<li> Bideoa: Joan Mitchell (“Ezkutuko magia”)</li>
<li>Bideoa: David Hockney (Eszenografiak: kolorea, argiztapena eta musika)</li>
</ol>
IV. modulua: Artea eta emozioak 
Zer sentitzen dugu obra bati begiratzean? Beste pertsona batzuek antzeko zerbait sentitzen al dute sorkuntza beraren aurrean? Artistek adierazitako emozioek, edo emozioak ez adierazteak, hainbat efektu eragiten dituzte begiratzen edo bizitzen dituenarengan.
Guggenheim Bilbao Museoaren Artetik: From the Art hezkuntza-proiektua abiapuntutzat hartuta, obren adibide batzuk erakutsiko dira, begiratzen dituzten ikusleengan sortzen dituzten emozioekin duten loturaren arabera.
<ol>
<li> Bideoa: Anish Kapoorren Zuhaitz handia eta begia (lilura); Cristina Iglesiasen Sareta (jakin-mina); Gilbert and Georgeren Esnatzen (dibertsioa). </li>
<li> Bideoa: Anselm Kieferren Munduaren jakituriaren bideak (nahasmendua); Yoko Onoren Bilborako nahien zuhaitza (harmonia); Gerhard Richterren Marina (lasaitasuna).</li>
<li> Bideoa: El Anatsuiren Itsaso gorakorra (inspirazioa); Jose Manuel Ballesterren La Medusen almadia (beldurra); Jenny Holzerren Bilborako instalazioa (harridura). </li>
<li> Bideoa: Robert Motherwellen Iberia (asperdura); Jeff Koonsen Puppy (maitasuna); Javier Perezen Sedukzio-maskara (beldurra). </li>
</ol>

Online arte-ikastaroa: Artea eta neurozientzia. Edertasunaz haratago: artistaren adimen sortzailea eta dibergentea

Neurozientziaren bidez, ikas ezazu artean ez dagoela edertasun unibertsalaren eredu bakar bat, esperientzia estetiko indibidualen hainbat eredu baizik.

Online arte-ikastaroa: Artea eta neurozientzia. Edertasunaz haratago: artistaren adimen sortzailea eta dibergentea | Guggenheim Bilbao Museoa

Online arte-ikastaroa: marrazkia arte garaikidean 

Guggenheim Bilbao Museoaren online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik. Arlo bakoitzeko adituen parte-hartzearekin, Bilduma Propioa eta Museoaren programazio artistiko dinamikoa eta askotarikoa hartzen da abiapuntutzat.
Gizakiak ideia bat komunikatzeko edo transmititzeko erabili zuen lehen irudikapen-modua da marrazkia. Marrazkiaren bilakaera historiaren eta artearen bilakaerarekin lotuta egon da, XVI. mendean jaio zenetik.
Era berean, marrazkia, izan mentala edota fisikoa, sortzaile askoren sormen-prozesuaren “matrizea” dela esan daiteke, haien lanen “hezurdura”. Gainera, badira berez artelantzat hartzen diren marrazkiak, haien konplexutasuna, berezitasuna edo trebetasuna dela medio. Antzinako artista asko nabarmendu dira teknika honetan duten maisutasunarengatik. Teknika horrek oraindik irauten du, eta erabakigarria da zenbait praktika garaikidetan.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek ikasteko helburu hauek ditu, besteak beste:
<ul>
<li>Marrazkiaren historiaren ikuspegi orokorra eskaintzea, antzinako maisu batzuen obra erakutsiaz eta Francisco de Goyaren marrazkiak eta lanak azpimarratuz, marrazki garaikidearen sarrera gisa.</li>
<li>Mendebaldekoak ez diren marrazketa-praktikak ezagutzera ematea, egungo marrazketa garaikidean eragina izan dutenak eta eragiten dutenak.</li>
<li>Marrazkiak teknika eta arte-diziplina autonomo gisa duen garrantzia agerian uztea.</li>
<li>Museoaren Bildumako artisten sormen-prozesu eta obra batzuen adibideak erakustea, marrazkia funtsezkoa baita Bilduma horretan.</li>
</ul>
Nork emango du 
Jose Manuel Matilla, artearen historialaria eta Prado Museo Nazionaleko Estanpa eta Marrazkien Departamentuko burua.
Egitura eta programa <a href="http://cms.guggenheim-bilbao.eus/uploads/2024/04/Curso-dibujo-PROGRAMA-WEB-.pdf">[+info]</a>
 
Yoshitomo Nara 
Joey, 2008 
Lápiz sobre papel 
51,5 × 36,5 cm 
Colección del artista 
© Yoshitomo Nara 2008 
Cortesía Yoshitomo Nara Foundation

Online arte-ikastaroa: marrazkia arte garaikidean

Guggenheim Bilbao Museoaren online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta

Online arte-ikastaroa: marrazkia arte garaikidean | Guggenheim Bilbao Museoa

Arte-ikastaroa online. Gorputza eta identitatea arte garaikidean 

Guggenheim Bilbao Museoaren online arte-ikastaroei esker, prestakuntza jaso dezakezu modu eskuragarrian baina edukiak sakonki landuz. Arte modernoaren eta garaikidearen historiako funtsezko gaiak eta kontzeptuak aztertzeko ematen dute, gaur egungo ikuspegitik.
Arlo bakoitzeko adituen parte-hartzearekin, eta Guggenheim Bilbao Museoaren Bilduma bera eta Museoaren programazio artistiko dinamiko eta askotarikoa abiapuntutzat hartuta, ikuspegi orokor bat emateko eta, aldi berean, jakin-min handiagoa eta ezagutzeko eta aztertzeko gogo handiagoa pizteko diseinatuta daude.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Oraingoan, Gorputza eta identitatea arte garaikidean ikastaroak helburu hauek ditu:
<ul>
<li>Giza gorputzak XX. eta XXI. mendeetako praktika artistikoan duen garrantzia ezagutzera ematea, irudikapen-motibo gisa ez ezik, sorkuntzarako tresna gisa eta berezko artelan gisa ere.</li>
<li>Nortasunari, generoari eta aniztasunari buruzko gaiek ezarritako kanonei nola aurre egiten dieten eta nola sormen-eredu eta –adierazpen berriak sortzen laguntzen duten aztertzea.</li>
<li>Talde minoritarioetako artistei eta haien ekarpenei ikusgarritasuna ematea, XX. eta XXI. mendeetako artearen historian dagokien lekuan kokatuz.</li>
<li>Egungo testuinguru artistiko globalean, sortzeko modu berrien eta nortasun-eraikuntza berrien panoramika eskaintzea.</li>
</ul>
Egitura, sarrera eta programa <a href="http://cms.guggenheim-bilbao.eus/uploads/2023/03/PROGRAMA-curso-arte-online-Cuerpo-e-Identidad-23-03-15.pdf">[+info]</a>
Hezitzailea 
Aimar Arriolak emango du; komisarioa, editorea eta arte-ikertzailea da
&nbsp;
Elssie Ansareo. El baile de las flâneuses 2007. Guggenheim Bilbao Museoa

Arte-ikastaroa online Gorputza eta identitatea arte garaikidean

Guggenheim Bilbao Museoaren online arte-ikastaroei esker, prestakuntza jaso dezakezu modu eskuragarrian zein zorrotzean, arte modernoaren eta garaikidearen historiako funtsezko gaien eta kontzeptuen inguruan, gaur egungo ikuspegitik.

Arte-ikastaroa online Gorputza eta identitatea arte garaikidean | Guggenheim Bilbao Museoa

Online arte-ikastaroa: Artea eta makinak: Lokomotorretik adimen artifizialera

Artearen eta makinen arteko lotura historikoa ukaezina da, eta horixe izango da online ikastaro honen ardatza. Errenazimenduan, makinak funtsezkoak izan ziren batez ere arkitekturaren arloan eta perspektiba-estudioetan; horrela, margolariek eta eskultoreek horietara jotzen zuten. XIX. mendean, Industria Iraultza inflexio-puntua izan zen material berrien erabileran; hala nola, burdina, hormigoia eta kristala. Makinak modernitatearen eta aurrerapenaren irudi bihurtu ziren, eta garai hartan sortzeko asmatutako tresna berrien artean, argazki-kamera eta zinematografoa daude. XX. mendean, argazkigintza eta zinema finkatu egin ziren, mekanismo zinetiko eta robotizatuak, eta bideo-instalazio konplexuak sortu ziren, oraintsuago, adimen artifizialaren bidez ekoitzitako lanak sortzen ari dira.
Hala ere, nahiz eta hasiera batean gizakiak sortutako makinak ekoizpen artistikorako modu berriak garatzen laguntzeko gai izan —eta gizartearen eraldaketak eta munduaren giza pertzepzioa islatzeko balio izan badute ere—; makinak artean erabiltzeak eztabaida biziak piztu ditu beti, batik bat sormen-prozesuetan betetzen duten zereginari dagokionean, artisau-tekniken edo teknika “konbentzionalagoen” aurrean.
Ikastaroa diziplina anitzak lantzen dituen Josu Rekalde artistak emango du. Haren lanean, bideo esperimentala, instalazio eskultorikoa eta teknologia berriak aurki ditzakegu. Irakasle katedraduna izan da Euskal Herriko Unibertsitateko (UPV/EHU) Arte Ederren Fakultatean.
Dedikazioa: 6 ordu, zure erritmoan 
Publikoa: heldua, arte garaikidean interesatua 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtapen automatikoa, ikastaroa amaitu ondoren
ZER IKASIKO DUGU?
<ol>
<li>Artearen eta makinen arteko erlazioa XIX. mendetik gaur egunera arte ezagutzeko aukera ematen duten adibideak eta gakoak.</li>
<li>Protagonista nagusien obra nahiz beste lan garrantzitsu batzuk.</li>
<li>Ekoizpen artistikorako beste modu batzuk, teknologikoak ez diren sorkuntzekin edo sorkuntza “konbentzionalagoekin” batera egiten direnak, arte modernoaren eta garaikidearen inguruko diskurtsoa eta ezagutza zabaltzeko.</li>
<li>Artistaren inpaktu soziala eta zeregin berria adimen artifizialaren garaian.</li>
</ol>
PROGRAMA
Ondorengo lau modulu tematikoak eta artisten adibide batzuk proposatzen dira:
I. Modulua: Makina, irudikapen-objektu eta modernitatearen sinbolo gisa
XIX. mendean, Industria Iraultzarekin batera, makinek gorakada izan zuten ekoizpen masiboko motor gisa, eta horrek artea ere eraldatu zuen. Inpresionismoa eta Futurismoa bezalako mugimenduek makineria eta aurrerapen teknologikoak aurrerabidearen, dinamismoaren eta modernitatearen sinbolo gisa irudikatzen hasi ziren.
<ol>
<li>Bideoa: William Turnerretik Inpresionismora</li>
<li>Bideoa: Zinemaren makina berria</li>
<li>Bideoa: Fernand Léger eta forma industrial eta mekanikoen irudikapen piktorikoa</li>
<li>Bideoa: Futurismoa: makinen abiadura eta boterea goraipatzea</li>
</ol>
II. Modulua: Argia eta mugimendua, material artistiko berriak
XX. mendearen hasiera aldera, makineria aldaketa artistiko eta sozialerako tresna gisa erabiltzeko aukera mugimendu iraultzaile batzuen eta ekoizpen artistikoaren forma tradizionalak alde batera utzi zituzten beste batzuen postulatu bihurtu zen. Era berean, artean mugimendudun elementuak eta zinetikoak sartu ziren, eta arte-praktikatzat onartuak izan ziren.
<ol>
<li>Bideoa: Konstruktibismoa: Antoine Pevsner, Naum Gabo, Vladimir Tatlin</li>
<li>Bideoa: Dadaismoa eta Surrealismoa: Francis Picabia, Marcel Duchamp, Man Ray</li>
<li>Bideoa: Mugikorrak: Laszlo Moholy-Nagy, Alexander Calder</li>
<li>Bideoa: Arte Zinetikoa: Jean Tinguely, Theo Jansen</li>
</ol>
III. Modulua: Gorputzak eta makinak
Giza-gorputzak teknologiarekiko duen tokia aztertzeak ekoizpen artistikorako bideak zabaldu ditu, batez ere joan den mendeko hirurogeiko hamarkadatik gaur egunera arte. Izan ere, gai horrek eztabaida eragin du gorputzaren eta makinaren arteko hibridazioak ekarri dituen ondorio sozial eta antropologikoen inguruan, bai eta artean sortu diren esperimentatzeko modu berrien inguruan ere.
<ol>
<li>Bideoa: Artea eta robotika: Nam June Paik, Marcel.lí Antúnez, Juan Muños, Vito Acconci</li>
<li>Bideoa: Ciborg-ak arte garaikidean: Stelarc eta Orlan, Neil Harbisson</li>
<li>Bideoa: Bideokamerak, errealitatea ikusteko modu berriak: Peter Weibel, Michael Snow</li>
<li>Bideoa: Multimedia instalazioak: Yayoi Kusama, Edwin van der Heide, Marck Leckey</li>
</ol>
IV. Modulua: Etorkizunera begira: arte digitaletik artea egiteko modu berrietara
1960ko hamarkadan arte digitala sortu zenetik, sormen artistikorako lehen ordenagailuak erabiltzen hasi ziren artistak. Geroago, adimen artifiziala erabilita, artistaren kontzeptu tradizionala eta rola gainditzen duten lanak sortu ziren, eta artearen eta zientziaren arteko hibridazioak errealitatea ulertzeko ikuspegi berriak irekitzen hasiak dira.
<ol>
<li>Bideoa: Arte Konputazionala: Vera Molnár, Michael Noll, UCMko Kalkulu Zentroa (José María Yturralde, Elena Asins)</li>
<li>Bideoa: Net.art edo Interneten Artea: Vuk Cósic, Olia Lialina, Daniel Guzman</li>
<li>Bideoa: Adimen Artifiziala eta Arte Generatiboa: Refik Anadol</li>
<li>Bideoa: Artea eta zientzia: etorkizuneko galderak.</li>
</ol>
&nbsp;
Juan Muñoz 
Itzala eta ahoa 
1997/2017 
Poliester-erretxina, oihala, pigmentua, zura eta motorra 
Guggenheim Bilbao Museoa

rtearen eta makinen arteko lotura historikoa ukaezina da, eta horixe izango da online ikastaro honen ardatza. Errenazimenduan, makinak funtsezkoak izan ziren batez ere arkitekturaren arloan eta perspektiba-estudioetan;

Online arte-ikastaroa: Artea eta makinak: Lokomotorretik adimen artifizialera | Guggenheim Bilbao Museoa

Online arte-ikastaroa: Bigarren Mundu Gerraz geroztiko pintura abstraktua

Ezagutu pintura abstraktuak 1945etik gaur egunera arte izandako irismena eta bilakaera Manuel Fontán del Juncoren eskutik.
1945ean, mundu modernoaren idealismoaren porrota, gerraren izugarrikeria eta haren ondoriozko deshumanizazioa zirela-eta, artista-belaunaldi berri batek planteatu zuen ea nola egin ziezaiokeen aurre egoera hari deskribapenera jo gabe eta ingurune artistikoaz kanpoko erreferentziarik sartu gabe. Testuinguru horretan, Ipar Amerikako espresionismo abstraktua eta Europako informalismoa sortu ziren, garai hartako artean nagusi zen figurazioaren aurreko erreakzio gisa sortu ere, eta askotariko formak zein lengoaia formalak integratu zituzten.
Online ikastaro hau Guggenheim Bilbao Museoak pintura abstraktuaren inguruan eskainitako bestelako ikastaro eta moduluen osagarria da, eta estilo horren irismenaren, bilakaeraren eta haren protagonista nagusiek AEBn eta Mendebaldeko Europan egindako lanen ikuspegi zabalagoa eskaintzea du helburu, Bigarren Mundu Gerratik hasi eta gaur arte.
Saioa Manuel Fontán del Juncok emango du, Filosofian doktorea eta Juan March Fundazioko Museo eta Erakusketen Zuzendariak. 
Dedikazioa: 6 ordu, zeure erritmora 
Publikoa: heldua, arte garaikidean interesatua 
Hizkuntza: gaztelania 
Sarbidea: online plataforma bidez 
Ziurtagiria: automatikoa, ikastaroa amaitu ondoren 
4 modulu, 16 bideo-saio eta material gehigarriak
ZER IKASIKO DUGU?
<ol>
<li>Pintura abstraktuaren benetako irismena eta bilakaera, XIX. mendearen amaierako aurrekariak eta abangoardia historikoak labur-labur aztertu ondoren, Bigarren Mundu Gerratik hasi eta gaur egun arte.</li>
<li>Zenbait artista garrantzitsuren obra, bai eta sortzeko zein irudikatzeko prozesu eta modu berriak bultzatu zituzten eragile sozial, politiko eta kulturalak.</li>
<li>Artea egiteko modu berri eta berritzailea ekarri zuten estilo eta prozesu piktorikoetako batzuk garatzeko erabilitako teknikak eta materialak.</li>
<li>Estiloek, abstrakzioak eta figurazioak artearen historiaren bilakaeran izandako “bizikidetzaren” ideia, modak eta joerak gorabehera.</li>
</ol>
PROGRAMA [<a href="http://cms.guggenheim-bilbao.eus/uploads/2025/04/PROGRAMA-CURSO-LA-ABSTRACCIÓN-EN-LA-PINTURA-1.pdf">+info</a>] 

&nbsp;
Helen Frankenthaler 
Requiem, 1992 
Akrilikoa mihise gainean 
79,1 x 243,8 cm 
Guggenheim Bilbao Museoa 
© 2025 Helen Frankenthaler Foundation / VEGAP
&nbsp;

Ezagutu pintura abstraktuak 1945etik gaur egunera arte izandako irismena eta bilakaera Manuel Fontán del Juncoren eskutik.

Online arte-ikastaroa: Bigarren Mundu Gerraz geroztiko pintura abstraktua | Guggenheim Bilbao Museoa

EDUARDO CHILLIDA: HAREN ESKULTURA ZERGATIK DA UNIBERTSALA ETA INTENPORALA? 

Eduardo Chillida (1924-2002) euskal artista XX. mendearen bigarren erdialdeko eskultore garrantzitsuenetarikotzat jotzen da, eta funtsezko irudia da eskultura garaikidearen historian.
Iraganera eta tradizio klasikora egindako begirada pentsamendu eta jarrera garaikide berritzaile eta nekaezinekin konbinatzen da. Hortik dator haren obra eta indarraldia denboragabeak izatea.
Ikastaro honetan, haren obrari buruzko ikuspegia eta XXI. mendeko hogeiko hamarkadako testuinguruko sortze-prozesua eskaintzen dira.
Ikastaroa Kosme de Barañanok emango du, Unibertsitateko katedraduna eta erakusketen komisarioa, Chillidaren obran aditu handienetarikoa.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren.
 ZER IKASIKO DUGU? 
<ol>
<li>Eduardo Chillidaren obraren ezaugarri nagusiak ezagutzeko gakoak, zeintzuk izan ziren haren ekarpenak eta gaur egun zergatik jarraitzen duen indarrean.</li>
<li>Telurikoaren, uraren, naturaren eta argiaren garrantzia haren unibertsoak eta sormen-prozesuan.</li>
<li>Marrazketaren garrantzia, artea egiteko modu guztietan funtsezko tresna eta hari gidari gisa.</li>
<li>Iraunkortasunean, orekan eta lankidetzan oinarritutako proiektu publiko nabarmenenak.</li>
<li>Artistak Guggenheim Museoekin zuen lotura, Guggenheim Bildumetako erakusketa eta obra ugariren bidez.</li>
</ol>
PROGRAMA
I. Modulua. Chillidaren oeuvrea: garapena eta etapak 

Chillidak bere obra esperimentatzen duten ingurune naturalean, ingurune naturalerako eta ingurune natural horren zerbitzura sortzen du. Haren lanean musikak eta soinuak izandako garrantzia ere jorratuko da.
<ol>
<li> Bideoa: Chillida, obrak eta etapak </li>
<li> Bideoa: Chillidaren obraren harrera kritikoa: Gaston Bachelardetik Edmond Jabèsera</li>
<li> Bideoa: Espazioaren kontzeptua </li>
<li> Bideoa: Eskalaren kontzeptua </li>
</ol>
II. Modulua. Marrazkia hari gidari bezala 

Chillidak eskuineko eta ezkerreko eskuekin batera ez ezik, adimenarekin ere marrazten zuen. Nortasun propioa zuen estilo formala lortu zuen. Jorratutako teknika eta diziplina ezberdinen adibideak erakutsiko dira.
<ol>
<li> Bideoa: Marrazkian </li>
<li> Bideoa: Grabatuan </li>
<li> Bideoa: Erlieben</li>
<li> Bideoa: Grabitazioetan </li>
</ol>
III. Modulua. Chillida eta arte publikoa 

Etsipenik ez izateko artearen bidez zentzumenen sublimazioa bilatzerakoan, Chillidak eskulturak instalatzeko gune pribilegiatuak edo orain arte pentsaezinak zirenak aukeratu zituen, eta beste profesional batzuekin elkarlana egitera ere jo zuen, haren obra publiko garrantzitsuenetako batzuek egiteko lana zaila eta desafiatzailea izateagatik.
<ol>
<li> Bideoa: Abesti gogora V, 1966</li>
<li> Bideoa: Haizearen orratza, 1976</li>
<li> Bideoa: Horizontearen gorespena, 1990</li>
<li> Bideoa: Tindaya, proiektua, 1992-1996</li>
</ol>
IV. Modulua. Chillida, nazioarteko museoak eta Guggenheim Museoak 

Artistaren eta Guggenheim Museoen arteko konexioa joan den mendeko berrogeita hamarreko hamarkadaren amaiera aldera gauzatu zen jada, erakusketetan parte hartu baitzuen eta haren obra Guggenheim bildumetan sartu baitzuten geroztik.
<ol>
<li> Bideoa: New Yorkeko Guggenheim Museoan, 1958an, “Sculptures and Drawings From Seven Sculptors” erakusketa kolektiboa egitetik, “Chillida: 1948–1998” atzera begirako erakusketara, Guggenheim Bilbao Museoan, 1999an.</li>
<li> Bideoa: Chillidaren obrak New Yorkeko Solomon R. Guggenheim Museum-en Bilduman. Berrogeita hamarreko eta hirurogeiko hamarkadak.</li>
<li> Bideoa: Obrak Peggy Guggenheim Collection-en. Hirurogeiko eta hirurogeita hamarreko hamarkadak.</li>
<li> Bideoa: Obrak Guggenheim Bilbao Museoko Bilduman. Laurogeita hamareko hamarkada eta bilduma berri baten sorrera.</li>
</ol>
Argazkia: Foto: © Zabalaga Leku, San Sebastián, VEGAP, 2019. Sucesión de Eduardo Chillida y Hauser &amp; Wirth. Foto Jesús Uriarte.

Online Arte-Ikastaroa: Eduardo Chillida: Haren eskultura zergatik da unibertsala eta intenporala?

Eduardo Chillida (1924-2002) euskal artista XX. mendearen bigarren erdialdeko eskultore garrantzitsuenetarikotzat jotzen da, eta funtsezko irudia da

Online Arte-Ikastaroa: Eduardo Chillida: Haren eskultura zergatik da unibertsala eta intenporala? | Guggenheim Bilbao Museoa

Online ikastaroa. Zer ulertzen dugu eskultura garaikideaz? 

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruko prestakuntza irisgarria eta zorrotza jasotzeko gaur egungo ikuspegitik.
Arlo bakoitzeko adituen parte-hartzearekin, Museoaren Bilduma eta Museoak antolatzen duen askotariko programazio artistikoa hartzen dituzte abiapuntutzat.
Euskaltzaindiaren hiztegiaren arabera, “eskultura” honako hau da:
<ol>
<li>iz. Gai desberdinak erabiliz, bolumena duten formak sortzean datzan artea.</li>
<li>iz. Eskultura-lana.</li>
</ol>
Adiera horiek kontuan hartuta, burura berehala etortzen zaizkigu Milosko Venus, Miguel Angelen David, edota herri edo hiri jakin bateko plaza baten erdian kokatutako zaldizko eskulturaren bat. Hala ere, eskultura da azken mende eta erdian gehien eboluzionatu duen diziplina artistikoa, eta haren benetako esparrua oso urrun dago ezagunagoa egiten zaigun ideia tradizional horretatik.
Ikastaro honetan, “eskultura garaikide” moduan zer ulertzen ote dugun galderari erantzun (posible) bat eman nahi diogu.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Bestak beste, ikasketa-helburu hauek nabarmentzen dira:
<ul>
<li>Funtsezko kontzeptu batzuk ematea XIX. mendearen amaieratik gaur egun arte eskulturak izandako bilakaera erraz ulertu ahal izateko.</li>
<li>Bilakaera- eta aldaketa-prozesu horretan erabakigarriak izan diren zenbait gai formal eta tekniko lantzea; tartean, idulkia ez erabiltzea edo material berriak erabiltzea.</li>
<li>Gaur egun objektua eta espazio eskultorikoa sortzeko dauden modu berriak eta ikuslearekiko interakzioa erakustea.</li>
<li>Emakume artistei eta haien benetako ekarpenei ikusgarritasuna ematea ikastaroaren helburuetan sartuz eta, era horretan, XX. eta XXI. mendeetako artearen historian dagokien lekuan kokatzea.</li>
</ul>
Nork emango du 
Brigitte Leal, Parisko Musée d’art national, Centre Pompidouko zuzendari laguntzaile emeritua
Egitura eta programa <a href="http://cms.guggenheim-bilbao.eus/uploads/2023/09/Estruktura-eta-programa.pdf">[+ info] </a>
&nbsp;
Argazki-kreditua: 
Mona Hatoum, Hogar, 1999 
Zura, altzairu galbanizatua, altzairu herdoilgaitza, kableatu elektrikoa, krokodilo-pintza, bonbillak, erregulagailu komupterizatua, anplifikadorea eta bozgorailuak  
76,2 x 198,1 x 73,7 cm (mahaia) 
Dimentsio osoak, aldakorrak

ONLINE ARTE-IKASTAROA. Zer ulertzen dugu arte garaikidetzat?

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik.

ONLINE ARTE-IKASTAROA. Zer ulertzen dugu arte garaikidetzat? | Guggenheim Bilbao Museoa

Online Arte-ikastaroa. Arte modernoaren eta garaikidearen “Maisu Handiak” 

Emakume batzuek “maistra handi” bezala bete zuten papera aldarrikatzea eta haien lana modu berezian nabarmendu izanaren arrazoiak aztertzea helburu duen ikastaroa. Artearen historiaren tradizioan “maisu handi” adierazpidea erabili izan da beren birtuosismo artistikoagatik gailendu izan diren gizonezko sortzaileez mintzatzeko, eta izendapen horretatik hartua da, hain zuzen ere, ikastaro honen izenburua.
Saioak Susana Blas Brunelek emango ditu —arte garaikidearen historialaria eta artean eta feminismoan aditua—, eta Ikusezinak izatetik protagonista izatera: ezagutu beharreko XX. eta XXI. mendeetako emakume artistak izeneko online ikastaroaren osagarri dira. 
Dedikazioa: 6 ordu, zure erritmoan 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideo-saio eta material gehigarriak 
Ziurtagiria: automatikoa, ikastaroa amaitu ondoren
ZER IKASIKO DUGU? 
<ol>
<li>Emakumeak Artearen Historian izan duen egitekoa eta, bereziki, emakume sortzaile sorta batek izandakoa, haren lana inflexio-puntua izateagatik arte modernoaren eta garaikidearen garapenean.</li>
<li>Egile horien ekarpen artistikoak eta XX. eta XXI. mendeetako Artearen Historian izandako lekua.</li>
<li>Adierazpen artistiko batzuetan emakume horiek izandako paper eragilea eta aitzindaria, erronka eta inposizio sozialei aurre egiteagatik.</li>
<li>Artista horiek narratiba eta kontzeptu bereizle eta benetakoekiko lotura, ezaugarri tekniko hutsekiko lotura aztertu baino gehiago.</li>
</ol>
PROGRAMA
I. modulua: Espiritualtasuna 
Espiritismoa, antroposofia, erradiestesia eta taoismoa bezalako mugimenduei lotutako artista batzuk eta tokiari eta ingurune naturalari lotutako beste batzuk.
<ol>
<li> bideoa: Georgiana Houghton</li>
<li> bideoa: Hilma af Klint</li>
<li> bideoa: Georgia O‘Keeffe</li>
<li> bideoa: Agnes Martin</li>
</ol>
II. modulua: Propaganda 
Beren idealak defendatzeko nahiz salaketa-ekintza gisa konpromiso politikoa eta ideologikoa hartu zuten zenbait emakume artistaren lana aztertuko da modulu honetan.
<ol>
<li> bideoa: Liubov Popova</li>
<li> bideoa: Lenni Riefenstahl</li>
<li> bideoa: Barbara Kruger </li>
<li> bideoa: Julie Mehretu</li>
</ol>
III. modulua: Atzeraelikadura 
Euren obra eta sormen-prozesua energiaren eta informazioaren (izan intelektuala, telurikoa, teatrala edo mentala) etengabeko zirkulazioan oinarritzen duten artistei buruzkoa izango da modulu hau.
<ol>
<li> bideoa: Tarsila do Amaral</li>
<li> bideoa: Ana Mendieta</li>
<li> bideoa: Esther Ferrer</li>
<li> bideoa: Yayoi Kusama</li>
</ol>
IV. modulua: Berdintasuna 
Erronka edo inposizio sozialei berdintasunetik, konfrontaziotik edo fintasunetik aurre egiten dioten emakume artisten lana aztertuko duen modulua.
<ol>
<li>bideoa: Maruja Mallo </li>
<li>bideoa: Guerrilla Girls</li>
<li>bideoa: Kara Walker</li>
<li>bideoa: Mona Hatoum</li>
</ol>
&nbsp;
Argazki-kreditua: Yayoi Kusama Infinituaren isla-gela – Gizakientzako zorion-guraria, unibertsoaz harainditik igorria (Infinity Mirrored Room – A Wish for Human Happiness Calling from Beyond the Universe), 2020.
&nbsp;

Online Arte-ikastaroa. Arte modernoaren eta garaikidearen “Maistra handiak”

Emakume batzuek “maistra handi” bezala bete zuten papera aldarrikatzea eta haien lana modu berezian nabarmendu izanaren arrazoiak aztertzea helburu duen ikastaroa.

Online Arte-ikastaroa. Arte modernoaren eta garaikidearen “Maistra handiak” | Guggenheim Bilbao Museoa

Online Arte-ikastaroa: argazkigintza: haren jatorria eta arte garaikidean sartu zenekoa

Argazkigintzaren historiari buruzko ikuspegi orokorra ezagutu eta artearen munduan gainontzeko disziplinen neurrira iristea nola lortu zuen jakin nahi al duzu? Ikastaro honek ibilbide horretan murgiltzeko aukera ez ezik, XIX. mendean dagerrotipoa asmatu zenetik gaur egunera arte egon diren teknika eta protagonista nagusiak ezagutzeko aukera ere eskainiko dizu.
Ikastaroa Jon Uriartek emango du. Argazkilaria eta erakusketa-komisarioa da, eta sareko irudien eraldaketa digitalen inguruan lan egiten du.
Dedikazioa: 6 ordu, zeure erritmoan 
Publikoa: arte garaikidean interesa duten helduak 
Hizkuntza: gaztelania 
Sarbidea: online plataformaren bitartez 
4 modulu, 16 bideo-saio eta material gehigarria 
Ziurtagiria: automatikoki lortzen da behin ikastaroa amaituta
ZER IKASIKO DUGU? 
<ol>
<li>Argazkigintzaren historiari buruzko ikuspegi orokorra, haren aurrekarietatik hasi eta gaur egunera arteko denbora-lerroa.</li>
<li>Dagerrotipoa asmatu zenetik argazkigintza digitalera bitarteko argazki-teknika nagusiak.</li>
<li>Argazkigintzaren garrantzia eta artearen munduan poliki-poliki nola sartu zen. Hastapenetan sormen-prozesuetan laguntzeko tresna soiltzat hartzen bazen ere, arte ederren baitan dagokion lekua hartzera iritsi zen.</li>
<li>Argazkigintza artistikoko eta argazkilaritza funtsezko elementu izan duten beste diziplina batzuetako (hala nola moda) lanen aukeraketa bat.</li>
</ol>
PROGRAMA
Ikastaroa gaikako lau modulutan antolatuta dago, eta zenbait argazkilari eta artista aurkeztuko dira adibide gisa:
I. modulua: Argazkigintzaren jatorria eta denbora-lerroa 
Bilakaera osoa ikusiko dugu, hasi XVI. mendeko kamera ilunetatik, XIX. mendeko dagerrotipo eta kalotipoetara eta gaur egungo “zuk botoia sakatu, gainerakoa geure kontu” joerara.
<ol>
<li> bideoa: Kamera iluna eta optika-estudioak oinarri gisa</li>
<li> bideoa: Dagerrotipoaren asmakuntza eta argazkigintzaren jaiotza “ofiziala”</li>
<li> bideoa: Argazkigintzak liburuarekin eta zinemarekin duen harreman estua.</li>
<li> bideoa: Argazki-kameren ekoizpen industriala eta publiko zabalak irudiekin duen harreman berria</li>
</ol>
II. modulua: Argazkigintza artera iritsi zenekoa 
Denbora luzez, argazkigintza zalantzan jarri zen, eta artistei errealitatea zuzenean irudikatzen laguntzeko tresna soiltzat hartu zen, baina, pixkanaka, artearen munduan sartzen joan zen harik eta XX. mendeko laurogeiko hamarkadatik aurrera diziplina artistikotzat hartu zen arte. Hona hemen zenbait adibide:
<ol>
<li> bideoa: Imogen Cunningham, Diane Arbus</li>
<li> bideoa: Alfred Stieglitz, Seydou Keïta</li>
<li> bideoa: Andy Warhol, Nan Goldin</li>
<li> bideoa: Bern &amp; Hilla Becher, Thomas Struth</li>
</ol>
III. modulua: Argazkigintza eta moda 
Argazkigintzaren eta modaren arteko harremana XIX. mendean hasi zen garai hartako jantziak erakusteko asmoarekin, eta ospe handia hartu zuen 1920. urtetik aurrera, lehen moda-aldizkariak sortu baitziren orduan. XX. mendean zehar, argazkilari ikonikoek sormen-ikuspegia txertatu zuten, eta modako argazkigintzak bilakaera esanguratsua izan zuen. Hona hemen zenbait adibide:
<ol>
<li> bideoa: Richard Avedon</li>
<li> bideoa: Helmut Newton</li>
<li> bideoa: Louise Dahl-Wolfe</li>
<li> bideoa: Corinne Day</li>
</ol>
IV. modulua: Argazkigintza artistikoa aro digitalean 
Gaur egun, smartphone gailuen erabilera masiboa dela-eta, argazkigintza “demokratizatu” egin da, eta batzuetan zail egiten da bereiztea zein den diziplina horrek sorkuntza artistikoaren baitan duen izaera, baita argazkilariek duten papera ere. Gainera, gero eta eztabaida zabalagoa dago sareko irudien eraldaketa digitalaren inguruan. Hona hemen zenbait adibide:
<ol>
<li> bideoa: Andreas Gursky</li>
<li> bideoa: Paul Pfeiffer</li>
<li> bideoa: Penelope Umbrico</li>
<li> bideoa: ImageNet</li>
</ol>
&nbsp;
Thomas Struth (Geldern, Alemania, 1969) 
Publikoa 01, Florentzia 2004 (Audience 01, Florence 2004), 2004 
Koloretako inprimaketa 
Ed.: 7/10 
179,5 x 286,5 cm 
Guggenheim Bilbao Museoa 
© Thomas Struth, Bilbo 2024

Argazkigintzaren historiari buruzko ikuspegi orokorra ezagutu eta artearen munduan gainontzeko disziplinen neurrira iristea nola lortu zuen jakin nahi al duzu? Ikastaro honek ibilbide horretan murgiltzeko aukera ez ezik, XIX. mendean dagerrotipoa asmatu zenetik gaur egunera arte egon diren teknika eta protagonista nagusiak ezagutzeko aukera ere eskainiko dizu.

Online Arte-ikastaroa: argazkigintza: haren jatorria eta arte garaikidean sartu zenekoa | Guggenheim Bilbao Museoa

Online arte-ikastaroa: arte moderno eta garaikideko materialek kontatzen dutena 

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruko prestakuntza irisgarria eta zehatza jasotzeko gaur egungo ikuspegitik.
Arlo ugaritako adituen parte-hartzearekin, ikastaroen abiapuntua Museoaren Bilduma eta Museoak antolatzen duen askotariko programazio artistiko dinamikoa dira.
Artean erabilitako materialak eta horien osaera, propietate kimikoak zein eraldaketa aztertzea izan da artista askoren kezka nagusietako bat. Ikastaro honek agerian jarri nahi ditu zientziak deskribaturiko material eta fenomeno jakin batzuen erabilerak ezkutatzen dituen istorioak: zergatik erabiltzen diren, nola lortu ziren, zein aplikazio praktiko izan zituzten edo nola eragiten dioten publikoaren esperientzia estetikoari.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek ikasketa-helburu hauek ditu, besteak beste:
<ol>
<li>Funtsezko kontzeptu batzuk ematea arte moderno eta garaikidean material jakin batzuk erabiltzearen garrantziaren, arrazoien eta ondorio tekniko eta estetikoen inguruan.</li>
<li>Oinarrizko kultura zientifikoa eskaintzea, artearen historia zientziaren historiarekin batera gertatzen dela ikusarazteko; materialen zientzia, kimika, ingeniaritza edo fisikaren arloetan izandako aurrerapenek arte modernoan eta garaikidean nola eragin duten (eta alderantziz) ikusarazteko.</li>
<li>Artean erabiltzen diren materialak sortzaileek komunikatzeko darabilten sinbolo-kodearen parte gisa aurkeztea.</li>
<li>Koloreak zenbait egilerentzat duen garrantzia azaltzea, eta ikusleek artea ulertzeko moduarengan duen eragina aztertzea.</li>
<li>Emakume artistei ikusgarritasuna ematea eta haien benetako ekarpenei balioa ematea helburu hauetan sartuz eta XX. eta XXI. mendeetako artearen historian dagokien lekuan kokatuz.</li>
</ol>
Nork emango du 
Deborah Garcia Bello, kimikaria, dibulgatzaile zientifikoa eta arte moderno eta garaikidera aplikaturiko materialen zientziako ikertzailea.
Egitura eta programa <a href="http://cms.guggenheim-bilbao.eus/uploads/2023/10/WEB-PROGRAMA-CURSO-DE-ARTE-ONLINE-MATERIALES-.pdf">[ +info]</a>
&nbsp;

Online arte-ikastaroa: Arte moderno eta garaikideko materialek kontatzen dutena

Guggenheim Bilbao Museoko online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruko prestakuntza irisgarria eta zehatza jasotzeko gaur egungo ikuspegitik.

Online arte-ikastaroa: Arte moderno eta garaikideko materialek kontatzen dutena | Guggenheim Bilbao Museoa

Online Arte-Ikastaroa: Film & Video. Irudia mugimenduan bitarteko artistiko gisa

Guggenheim Bilbao Museoaren online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik.
Arlo bakoitzeko adituen parte-hartzearekin, ikastaroen abiapuntu izaten dira Museoaren Bilduma eta askotariko programazio artistikoa eta dinamikoa.
Duela hamarkada batetik hona, Guggenheim Bilbao Museoaren Film &amp; Video erakusketen programazioan, bitarteko filmiko eta bideografikoek erabiltzen dituzten praktika artistiko garaikideen korronte eta modalitate ezberdinak aztertu dira.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek, besteak beste, ikasteko helburu hauek ditu:
<ol>
<li>Arte garaikidean mugimenduan dagoen irudiaren bilakaeraren ezaugarri nagusiak, adar nagusiak eta aukera mordoa erraz ikas ahal izateko gakoak ematea.</li>
<li>Lan eta proiektu batzuk ezagutzera ematea, Film &amp; Video erakusketa-historia abiapuntu hartuta.</li>
<li>Azterketaren kasuen sekuentzia bat eskaintzea, gaikako la modulutan zatituta.</li>
</ol>
Nork emango du 
Yara Sonseca, artearen historialaria eta komisario independentea.
Egitura eta Programa <a href="http://cms.guggenheim-bilbao.eus/uploads/2024/03/Programa-web-FilmVideo.pdf">[+info]</a>
&nbsp;
Argazkia: 
Christian Marclay 
Erlojua (The Clock) laneko bideo fotograma, 2010 
Kanal bakarreko bideoa, estereo soinuduna 
24 ordu, begiztan 
Hauen eskaintza: artista eta New Yorkeko Paula Cooper Gallery

Guggenheim Bilbao Museoaren online arte-ikastaroek aukera paregabea eskaintzen dute arte modernoaren eta garaikidearen historiaren funtsezko gai eta kontzeptuen inguruan modu irisgarrian eta zorrotzean prestatzeko, gaur egungo ikuspegitik.

Online Arte-Ikastaroa: Film &amp; Video. Irudia mugimenduan bitarteko artistiko gisa | Guggenheim Bilbao Museoa

Online Arte-Ikastaroa: Film & Video. Irudia mugimenduan bitarteko artistiko gisa | Guggenheim Bilbao Museoa

Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Guggenheim Bilbao Museoaren online arte-ikastaroek arte moderno eta garaikidearen historiako funtsezko gai eta kontzeptuak aztertzen dituzte gaur egungo ikuspegitik azalduta eta erraz ulertzeko moduan, baina beti ere zehaztasunez.
Ikastaroetan arlo bakoitzeko adituek hartuko dute parte, eta Bilduma Propioa eta Museoaren programazio dinamikoa eta askotarikoa izango dira abiapuntua. Ikastaroek ikuspegi orokorra eskaintzea dute xede eta, era berean, jakin-mina eta ezagutzeko eta aztertzeko gogoa piztea.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Jakina denez, emakume artistak itzalean egon izan dira  (salbuespenak salbuespen) harik eta XIX. mendearen amaiera aldera haietako batzuk margolari inpresionisten artean nabarmentzen hasi ziren arte beren sormen-lanari esker.
Guggenheim Bilbao Museoaren lehenengo online ikastaroa Bartzelonako Unibertsitateko Artearen Historiako katedradun emeritua den Lourdes Cirlotek emango du. Ikastaro horretan, emakumeak XX. eta XXI. mendeetako artearen joeretan izan duen protagonismoa aztertuko da. Besteak beste, hauek ikastea da helburua:
<ul>
<li>Artearen historian emakumeak izan duen zeregin ia ikusezina ezagutzea, artegintza moderno eta garaikideko protagonistetako batzuei arreta berezia eskainiz.</li>
<li>Egin zuten benetako ekarpena aztertzea eta XX. eta XXI. mendeetako artearen historian kokatzea.</li>
<li>Adierazpide batzuetan (esaterako, ehungintzan edo performancean) izan duten eragile-lana aztertzea, baita bideo-sorkuntzan egindako ekarpen garrantzitsua ere.</li>
</ul>
Sarrera, egitaraua eta programa <a href="http://cms.guggenheim-bilbao.eus/uploads/2022/01/Sarrera.pdf">[+info]</a> 
Irakaslea 
Lourdes Cirlot, Artearen Historiako katedradun emeritua Bartzelonako Unibertsitatean
&nbsp;

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Guggenheim Bilbao Museoaren online arte-ikastaroek arte moderno eta garaikidearen historiako funtsezko gai

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak | Guggenheim Bilbao Museoa

Sormen-saioa [+18] Mezuak ezohiko euskarrietan 

Noemi Iglesiasek helduentzat emandako tailerra, Barbara Kruger. Another day. Another night erakusketarekin lotuta.
Artista, ikertzailea eta portzelanazko ekoizpen artistikoko espezialista den Noemi Iglesiasentzat, Barbara Kruger erreferente bat da. Iglesiasek emakumeak arte-ekoizpenean duen rola ikertzen du testuinguru oso zehatzetan (adibidez, ekialdean). Tailer honetan egunerako objektuek testuinguru pribatu eta/edo publikoetan mezuak igortzeko tresna gisa izan dezaketen egitekoa. Kasu honetan azulejuak egiten ikasiko dugu eta jarduera horrek mundua eta bertan bizi garenon inguruan hausnartzeko eta zalantzan jartzeko leku eta une bat eskainiko du, edo, besterik gabe, eskulanez gozatzeko, buztina lehengai gisa erabilita. Planteamendu guztiak dira baliozkoak.
Iraupena, gutxi gorabehera: 90 min
Plaza-kopurua mugatua da
Jarduerak aldaketak izan ditzake

Sormen-saioa [+18] Mezuak ezohiko euskarrietan

Noemi Iglesiasek helduentzat emandako tailerra, erakusketa honekin lotua: Barbara Kruger. Another day. Another night.

Sormen-saioa [+18] Mezuak ezohiko euskarrietan | Guggenheim Bilbao Museoa

Z ostiralak tailerra: adimen artifiziala eta arkitektura

In situ: Refik Anadol erakusketari buruzko tailerra gazteentzat; bertan, adimen artifizialari buruzko hausnarketa egingo da, Museoko 208. aretorako berariaz sortutako obra hau aztertuz.
Erakusketa honek Frank Gehry eta beste autore batzuen arkitektura omentzeko esperientzia murgiltzailea eskaintzen du. Eta etorkizuneko eraikinak, material sendoekin eraiki ordez, datuekin, emozioekin eta oroitzapenekin eraikiko balira? Zer gertatuko litzateke arkitekturak mundu fisikoaren legeak bete beharrik ez balu? Los Angelesen bizi den Refik Anadol artista turkiarrak (1985), arte digitalaren sorkuntzan nazioarteko erreferentea denak, adimen artifizialeko (AA) teknologia aurreratuenera jo du Arkitektura bizia: Gehry artelana egiteko. Obra hori Museorako berariaz sortu zuen: irizpide etikoei jarraiki hautatutako 32 milioi irudi baino gehiagorekin trebatu zuen AA, eta horiek abiapuntu hartuta, artistak sartutako parametroei jarraiki, egunero sekuentzia bisual esklusiboak sortzen ditu.
18 eta 35 urte arteko gazteei zuzendutako hastapen-saio honetan, AA eta errealitate birtuala bezalako teknologiak espazio berriak irudikatzeko tresna nola bihur bilaka daitezkeen aztertuko dugu, metabertsoan bizitzeko sortutako arkitekturetatik hasi eta gure emozioei erantzuten dieten bideo-jokoetan ikusten diren antzeko paisaia n onirikoetara edo ingurune sentikorretara. Arte digitalean, AA sortzailean edo bizi garen espazioen etorkizunean interesatuta dagoen edozein gazteri irekitako hausnarketa-tailerra.
Saioaren gidaria: Janire Goikoetxea
Iraupena, gutxi gorabehera: 90 min
Plaza-kopurua mugatua da

In situ: Refik Anadol erakusketari buruzko tailerra gazteentzat; bertan, adimen artifizialari buruzko hausnarketa egingo da, Museoko 208. aretorako berariaz sortutako obra hau aztertuz.

Z ostiralak tailerra: adimen artifiziala eta arkitektura | Guggenheim Bilbao Museoa

IX. Guggenheim marrazten topaketa 

Nazioarteko Drawing the Guggenheim marrazki-topaketaren bederatzigarren edizioa, New York, Venezia eta Bilboko Guggenheim museoetan aldi berean abian.
Adin guztietako jendeak parte har dezake deialdian: nahi duzun moduan marraztu ahalko dituzu Atrioan eta Museoaren barnealdean atentzio gehien ematen dizuten txokoak. Ausaz, argazkiak aterako dizkiegu marrazkiei, eta Museoko webgunean jarriko ditugu ikusgai topaketaren ondorengo egunetan. Beharrezko materiala (jarraibidedun orriak eta arkatza) Atrioan egongo da eskuragarri izakinak agortu arte, baina, nahiago baduzu, zeure marrazketa-tresnak ere ekar ditzakezu. Zure zain izango gara!
Jarduerak aldaketak izan ditzake

IX. Guggenheim marrazten topaketa

Guggenheim marrazten nazioarteko marrazki-topaketaren IX. edizioa New York, Venezia eta Bilboko Guggenheim Museoetan aldi berean egingo da.

IX. Guggenheim marrazten topaketa | Guggenheim Bilbao Museoa

ARTEA EZAGUTZEN ikastaroa “Artea, inguratzen gaituen munduaren isla gisa”

Lagunak

Arte garaikidea ezagutzeko hastapen-ikastaroa, “Artea Ezagutzen” sailekoa, oinarrizko eta erreferentziazko kontzeptuei buruzkoa, ikuspegi dibulgatibo eta irisgarriarekin. Serieak hiru modulutan egituratutako ikastaroak eskaintzen ditu. Modu independentean ere funtzionatzen dute, eta arte garaikideaz eta erakusketez nahiz Museoaren Bildumaz errazago gozatzeko aukera ematen dute, ikaskuntza erraz baten bidez.
Gidaria: Iñigo Sarriugarte Gomez, EHU/UPVko Artearen Historiako irakasle titularra 
Modalitatea: presentziala (online egiteko aukera) 
Eguna eta ordua: asteartea, 18:00–19:30 
Arte garaikidean interesatuta dauden helduei zuzendua 
Hizkuntza: gaztelania
ZER IKASIKO DUGU? 
<ul>
<li>Funtsezko artista batzuen lana ezagutuko dugu, haien ekarpenak eta eraginak nahiz obra jakin batzuk eta haien testuinguru historikoa, soziopolitikoa eta plastikoa.</li>
<li>Arte moderno eta garaikidera hurbilduko gara, eta arlo horretan konfiantza izateko oinarrizko kontzeptu batzuk eskuratuko ditugu.</li>
<li>Emakume artisten lana eta artearen historian dagokien lekua aztertuko ditugu.</li>
<li>Arte garaikidean behin eta berriz agertzen diren gaiak jorratuko ditugu; hala nola, berdintasuna, aniztasuna eta iraunkortasuna. Gaur egun, garrantzi eta ospe handia hartu dute gizartean.</li>
</ul>
PROGRAMA
I. Modulua. UTOPIAK ETA ZAPUZTUTAKO AMETSAK 
Urriak 21: Eraldaketa sozialak, zientifikoak eta kulturalak 
XIX. mendearen amaieratik hasi eta Bigarren Mundu Gerra piztu zen arte, munduak eraldaketa politiko, sozial eta teknologiko sakonak izan zituen. Industria Iraultza berantiarrak urbanizazioa, aurrerapen teknologiko eta zientifikoak, klase berrien sorrera eta mugimendu sozialak bultzatu zituen. Lehen Mundu Gerrarekin aurreko ordenarekiko erabateko haustura gertatu zen, Europa suntsitua atzean utziz eta mugimendu iraultzaile eta autoritarioak sortuz. Gainera, 1929ko krisi ekonomiko sakonak ezegonkortasun are handiagoa eragin zuen, hainbat herrialdetan erregimen totalitarioen gorakada bultzatuz.
Denboraldi horretan zehar, zientzia eta teknologia azkar aurreratu ziren, fisikan, kimikan edo biologian egindako aurkikuntzei esker, Horrela, munduaren ikuspegia eraldatzeaz gain, modernitaterako oinarriak ezarri zituzten. Aldi berean, pentsamendu-korronte berriak sortu ziren; hala nola, positibismoa, psikoanalisia eta abangoardia artistikoak, balio tradizionalak zalantzan jarri eta adierazpen- eta ezagutza-modu berriak aztertu zituztenak.
Azaroak 4: Mugimendu utopiko eta beste begirada batzuen sorrera 
Arteetan, Kubismoa, Futurismoa, Dadaismoa eta Surrealismoa bezalako abangoardiako mugimenduek garaiko ziurgabetasuna eta berritzeko nahia erakutsi zuten. Mugimendu utopiko eta idealistetatik hurbil zeuden lengoaia artistiko eta pentsamendu-modu berriek mundu hobea eraiki nahi zuten artearen bidez; bitartean, aurreko mendearen amaieran hasitako lengoaia abstraktuak finkatu ziren, eta beste adierazpen-modu batzuek errealitatetik urrundutako begiradak eta irudikapenak sortzen zituzten.
Artista batzuk: Giacomo Balla, Marcel Duchamp, Vasily Kandinsky, Hilma af Klint, René Magritte, Kazimir Malevich, Maruja Mallo, Piet Mondrian, Kurt Schwitters.
Azaroak 18: Komuna eta komunitate artistikoak: Monte Veritá eta Bauhaus 
XX. mendearen lehen erdialdean, komunitate artistikoak esperimentaziorako, hausturarako eta bizimodu eta sorkuntza berrien bilaketa kolektiborako gune gisa sortu ziren Europan eta Amerikan. Ideal utopikoek eta konbentzio sozialei aurre egiteko nahiak inspiratuta, komunitate horietan artistak, intelektualak eta eraldaketa kulturalean interesa zuten pertsonak biltzen ziren.
Europan, Monte Veritá izan zen kasu enblematiko bat, Suitzan kokatua eta mugimendu alternatiboen aitzindaritzat hartua. Bertan, XX. mendearen hasieratik, artistak, idazleak eta pentsalariak bildu ziren askatasuna, bizitza naturala eta esperimentazioa bilatzeko asmoarekin, artearen eta ideien esparruetan. Monte Veritá artea, dantza, espiritualtasuna, begetarianismoa eta komunitate-bizitza konbinatzen zituzten praktika berrien laborategi bilakatu zen, eta, horrela, ondorengo hamarkadetako bilaketa kontrakultural asko aurreratu zituen.
Europan, aldi berean, beste ekimen batzuk loratu ziren; esate baterako, Bauhaus Alemanian. Diziplinarteko sormen-komunitate gisa funtzionatu zuen, eta artea, arkitektura eta diseinua ikuspegi kolektibo eta eraldatzaile batekin integratu ziren.
Artista batzuk: Josef eta Anni Albers, Marcel Breuer, Isadora Duncan, Walter Gropius, Alexej von Jawlensky, Paul Klee, Rudolf von Laban; László Moholy-Nagy, Oskar Schlemmer, Gunta Stölzl, Marianne von Werefkin, Mary Wigman.
Abenduak 2: Maria Helena Vieira da Silva. Espazioaren anatomia erakusketara bisita
II. Modulua. ASKATASUN BERRIEN BILA 
Urtarrilak 20: Eraldaketa sozialak, zientifikoak eta kulturalak 
Bigarren Mundu Gerraren amaierarekin batera eraldaketarako eta birdefinizio globalerako aro berri bat hasi zen. Gerra Hotza eta Europaren eta Japoniaren berreraikitzea hasi ziren, eta mendebaldeko herrialde askotan aurrekaririk gabeko garapen ekonomikoa gertatu zen. Asian eta Afrikan deskolonizazio-mugimendu garrantzitsuak sortu ziren, mapa politiko globala eraldatuz.
Arlo zientifikoan, aurrerapen nabarmenak egin ziren; hala nola, lasterketa espaziala eta gizakia ilargira iristea 1969an, energia nuklearrean eta medikuntzan egindako aurrerapenak edo komunikazioak eta eguneroko bizitza irauli zituzten teknologia berrien garapena.
Existentzialismoa, estrukturalismoa, hermeneutika, postmodernismoa eta askapen-mugimenduak bezalako korronte filosofikoek ahotsa eman zieten ziurgabetasunari, berreraikuntzari eta askatasun- eta bizi-zentzuaren forma berrien bilaketari aurre egiten zien gizateria baten kezkei.
Otsailak 3: Organizismoa, St. Ivesen Eskola, Informalismoa, New Yorkeko Eskola versus Pop Artea 
Bigarren Mundu gerraren ondoren, arte bisualek eraldaketa sakonak izan zituzten, eta aldaketa bat behar zuen gizartearen tentsioak eta nahiak agerian geratu ziren. Estetika tradizionalak hautsi zituzten mugimenduak sortu ziren, batez ere hizkuntza artistiko abstraktuak bultzatuz.
1950eko hamarkadan, Londresek gatazka belikotik berreskuratu nahian jarraitzen zuen bitartean, Cornuallesko kolonia artistikoak, St. Ives Eskola deiturikoak, eta organizismo eskultorikoak gidatu zuten abangoardia-artea Ingalaterran. Korronte horiek naturan eta obra artistikoa bere ingurunean harmoniaz integratzean inspiratutako formak aztertzen dituzte. Era berean, eta Frantziako eta Espainiako Informalismoarekin batera, Ipar Amerikako Espresionismo Abstraktuarekin loturak ezarri ziren, nazioartean pintura abstraktua sustatuz.
Bestalde, Pop Artea, herri-kulturaren eta estilo figuratiboaren gidaria, eszenan sartu zen.
Artista batzuk: Arman, Marisol Escobar, Richard Hamilton, Barbara Hepworth, Roy Lichtenstein, Henry Moore, Ben Nicholson, Andy Warhol.
Otsailak 17: Artearen desmaterializazioa eta “erakusketa-espazio” berrien agerpena 
1960ko eta 1970eko hamarkadetan, mugimendu bakezale eta feministekin batera, lurraren, paisaiaren, naturaren eta abarren aldeko interesa berpiztu zen, irudikapen hutsetik oso bestelakoa izan arren, mende batzuetatik hona egiten zen bezala. Artean, Land Art, Povera Artea edo arte atmosferikoa loratu ziren:  errealitatea irudikatzeko edo bertan esku hartzeko modu berriak. Natura material gisa (lurra, zura, elementuak, etab.) eta/edo sortzeko tresna gisa erabiltzen zen. Horrela, praktika berri horiek sortzeko eta erakusteko espazio berriak agertuko dira; esate baterako, ingurune naturalak edo irekiak, museoen eta galerien hormak zeharkatzen dituztenak.
Perfomancearen artearen eta zenbait aldarrikapen feminista eta bakezaleren bidez, giza gorputzak ezohiko ikusgarritasuna hartuko du.
Artista batzuk: Giovanni Anselmo, Jannis Kounellis, Richard Long, Fujiko Nakaya, Robert Smithson, James Turrell, Yoko Ono
Martxoak 3: Bilduma Iraunkorra eta Lurraren Arteak I erakusketa ezagutzeko bisita 
III. Modulua. MUGARIK GABE. AMA LURRA 
Martxoak 17: Eraldaketa sozialak, zientifikoak eta kulturalak 
1989an, Berlingo harresiaren erorketarekin, Gerra Hotzaren amaiera etorri zen, eta globalizazio azkarraren eta aldaketa politiko esanguratsuen aro baten hasiera izan zen. Sozialki, eskubide zibilen, genero-berdintasunaren eta aniztasunaren aldeko mugimenduek ikusgarritasuna eta indarra irabazi zituzten planeta osoan.
Arlo zientifikoan, Internet eta teknologia digitalak hedatzeak komunikazioak, hezkuntza eta gizarte- eta lan-harremanak irauli dituzte. Giza genomaren sekuentzia, energia berriztagarrien aurrerapena eta ikerketa espaziala bezalako aurkikuntzek ezagutzaren horizonteak zabaldu dituzte.
Postmodernismoaren ondoren, filosofia pluralagoa eta anitzagoa izango da, eta, besteak beste, gai hauek jorratuko dira: demokrazia, justizia globala, etika teknologikoa, kontzientzia ekologikoa, ekofeminismoa eta ikuspegi dekolonialak.
Praktika artistiko berriak sortuko dira, eta gizarte-, ingurumen- eta talde-nortasunari buruzko hausnarketa-gunea bilatu eta aurkeztuko dute.
Apirilak 7: Ideia eta sortzeko modu berriak agertzea mendebaldeko arte modernoaz haratago 
Magiciens de la Terre erakusketa 1989an inauguratu zen Parisen, eta Jean-Hubert Martinek egin zituen komisario lanak. Erakusketak eragin nabarmena izan zuen artearen munduan, arte garaikideko erakusketen ikuspegi eurozentriko eta kolonialista desafiatzeagatik. Erakusketan munduko hainbat lekutako artisten obrak bildu ziren, erakusketak mendebaldeko egileetara mugatzeko tradizioa hautsiz.
Aurrerago, artista bakoitzak benetan zer leku betetzen duen jabetzeak etengabeko eztabaida eta hausnarketa bat ireki zituen, arte garaikidearen deskolonizazioaren inguruan. Modu horretan, historiografia “ofiziala” zalantzan jarriko da, ia beti ikuspuntu bakar batetik kontatua, eta lehen ahotsik ez zuten beste praktika artistiko batzuk ikusaraziz.
Artista batzuk: Agnes Denes, Guillermo Gomez-Peña, Barbara Kruger, Cildo Meireles, Ana Mendieta, Huang Yong Ping, Susana Solano, Cecilia Vicuña
Apirilak 21: Ruth Asawa eta Lurraren Arteak II erakusketak ezagutzeko bisita
Maiatzak 5: Arte garaikidea eta ingurumen-iraunkortasuna. Artea aldaketa-eragile gisa? 
Azken hamarkadetan, klima-aldaketaren inguruan eta gizakiak aldaketa horretan duen erantzukizunaren inguruan kontzientziazio handiagoa izatera iritsi gara, eta, era horretan, artisten belaunaldi horren prozesuen eta sortzeko asmoaren helburua da mehatxu horren gainean sentsibilizatzea artearen bitartez. Nekazaritza, agronomia, botanika, geologia, kimika, fisika edo biologia bezalako praktikak praktika artistikoekin gurutzatuko dira ezinbestean.
Halaber, horrekin agerian geratuko da mundu naturalarekin eta inguratzen gaituen ingurunearekin orain arte erlazionatzeko izan dugun modua eta egun duguna; alegia, “ikusle” izatetik kontzientzia eta inplikazio handiagoa izatera nola igaro garen, eta hori praktika artistiko garaikideetan islatuko da.
Artista batzuk: El Anatsui, Olafur Eliasson, Fernando Garcia-Dory, Julie Mehretu, Asuncion Molinos Gordo.
&nbsp;
Irudia: 
Maria Helena Vieira da Silva (1908–1992) 
Balleteko figura (Figure de ballet), 1948 
Olio-pintura eta grafitoa mihise gainean, 27 × 46 cm 
Eskaintza: Galerie Jeanne Bucher Jaeger, Paris–Lisboa 
CR587

Artea Ezagutzen ikastaroa “Artea, inguratzen gaituen munduaren isla gisa”

Arte garaikidea ezagutzeko hastapen-ikastaroa, “Artea Ezagutzen” sailekoa, oinarrizko eta erreferentziazko kontzeptuei buruzkoa, ikuspegi dibulgatibo eta irisgarriarekin.

Artea Ezagutzen ikastaroa “Artea, inguratzen gaituen munduaren isla gisa” | Guggenheim Bilbao Museoa

Artea-Ikastaroa Online

Guggenheim Bilbao Museoaren online arte-ikastaroei esker, prestakuntza jaso dezakezu modu eskuragarrian zein zorrotzean, arte modernoaren eta garaikidearen historiako funtsezko gaien eta kontzeptuen inguruan, gaur egungo ikuspegitik.
Arlo bakoitzeko adituen parte-hartzearekin, eta Bilduma bera eta Museoaren programazio artistiko dinamiko eta askotarikoa abiapuntutzat hartuta, ikuspegi orokor bat emateko eta, aldi berean, jakin-min handiagoa eta ezagutzeko eta aztertzeko gogo handiagoa pizteko diseinatuta daude.
Dedikazioa: 6 ordu, zure erritmora 
Publikoa: heldua, arte garaikidean interesa duena 
Hizkuntza: gaztelania 
Sarbidea: online plataformaren bidez 
4 modulu, 16 bideoklase eta material gehigarriak 
Ziurtagiria: automatikoa, ikastaroa amaitu ondoren. 
Iraupena: Hiru hilabete, erosten denetik
ZER IKASIKO DUGU?
Online ikastaro honek, besteak beste, ikasteko helburu hauek ditu:
<ul>
<li>Artistak sortzera eramaten dituen eragilea edo motibazioa zein den ezagutzera ematea, artelanak sorrarazten dituen prozesu sortzailearen (fisikoa eta mentala) garrantzia nabarmenduz.</li>
<li>Artistek hainbat lengoaia plastiko erabilita transmititzen dizkiguten istorio eta mezuen bidez, ikuslearengan hainbat aldarte, emozio eta erreakzio nola bilatzen eta/edo pizten dituzten aztertzea, arteari, zenbait kasutan, ongintzazko nolakotasuna emanez.</li>
<li>Artista jakin batzuek beren begiradaren eta testuinguru historikoaren bidez historia idazteko edo berridazteko orduan duten konpromisoa eta artearen boterea agerian uztea.</li>
<li>Arteak, garaikidetasuna ulertuaz, etorkizunerako aukerak nola sortzen dituen nabarmentzea.</li>
</ul>
Ikastaroa nork emango du 
Miguel Lopez-Remiro Forcada, komisarioa eta artearen aholkulari independentea. Malagako Picasso Museoko zuzendari artistikoa
EGITURA, SARRERA ETA PROGRAMA <a href="http://cms.guggenheim-bilbao.eus/uploads/2024/12/PROGRAMA-curso-Estructuras-del-arte-REVISADO.pdf">[+info]</a>

Artea-Ikastaroa Online. Arte garaikidearen egiturak

Arte garaikidearen egiturak: betiko galdera, obrak eta haien esanahiak nola sortzen diren.

Artea-Ikastaroa Online. Arte garaikidearen egiturak | Guggenheim Bilbao Museoa

Gabonak Familiartean

Lagunentzako Egun Berezia

Wellbeing

Hezitzaileak

Art & Music

25. urteurrena

Bisitaldiak

Eszenan

Familiak

Hitzaldiak

Programa publikoak

TopARTE

Jarduerak

Guggenheim Bilbao Museoaren jardueren egutegia. Kontzertuak, hitzaldiak, ikastaroak, familiarteko jarduerak, proiekzioak, hausnarketa partekatuak...

Jardueren egutegia | Guggenheim Bilbao Museoa

Imajinatu etorkizuna

Euskaltel Fundazioak eta Guggenheim Bilbao Museoak IMAJINATU ETORKIZUNA izeneko adimen artifizial (AA) lehiaketa antolatu dute, Google Cloud-en lankidetzarekin.
“Inspirazioz betetako konexioak: artea eta teknologia etorkizun gizatiarragoa lortzeko” lelopean, hausnarketa egitera gonbidatzen zaitugu: telekomunikazioen eta artearen arloetako berrikuntzak nola adieraz ditzake hurbiltasuna, tokian tokiko nortasuna eta iraunkortasuna bezalako balioak?
Nola parte hartu:
Sartu lehiaketaren plataformara, bete jarraibideak, idatzi prompt bat AA generatiboak irudi bihurtu dezan —gehienez 5 aukera dituzu—, hautatu zeinekin parte hartu nahi duzun, eta aurkeztu irudi hori lehiaketan.
Aurkeztutako irudiak plataforman agertuz joango dira, eta 10 finalista aukeratuko dira lehen hautaketa batean.
Finalisten artean lau irabazle aukeratuko dira: hiru epaimahaiak izendatuko ditu, eta bat herritarren botoaren bidez hautatuko da.
Epaimahaiak izendatutako hiru irabazleek sari hauek jasoko dituzte:
<ul>
<li>Azken belaunaldiko gama altuko smartphone bat, adimen artifizialean oinarritutako funtzionalitate aurreratuak dituena (5G, 256 GB)</li>
<li>Urtebeteko bazkidetza Guggenheim Bilbao Museoaren Lagun bezala</li>
<li>Guggenheim Bilbao Museoaren online arte-ikastaroak doan egiteko aukera bazkidetza-urte horretan zehar</li>
<li>Google Nest Hub gailu bana</li>
<li>AAri buruzko online prestakuntza</li>
<li>Google Cloud Summit-erako sarrera bana (Madril, 2026ko maiatza)</li>
</ul>
Publikoaren botoaren bidez aukeratutako irabazleak sari hauek jasoko ditu:
<ul>
<li>Azken belaunaldiko gama ertaineko smartphone bat, adimen artifizialean oinarritutako funtzionalitate aurreratuak dituena (5G, 128 GB)</li>
<li>Urtebeteko bazkidetza Guggenheim Bilbao Museoaren Lagun bezala</li>
<li>Guggenheim Bilbao Museoaren online arte-ikastaroak doan egiteko aukera bazkidetza-urte horretan zehar</li>
<li>Google Nest Audio gailu bat</li>
<li>AAri buruzko online prestakuntza</li>
<li>Google Cloud Summit-erako sarrera bat (Madril, 2026ko maiatza)</li>
</ul>
<a class="Button_root__tIp3x button communityButton" title="Accede al concurso" href="https://argia.guggenheim-bilbao.eus/" target="_blank" rel="nofollow noopener">Lehiaketara sartu </a>

AA lehiaketa

Euskaltel Fundazioak eta Guggenheim Bilbao Museoak AA IMAJINATU ETORKIZUNA lehiaketaren deialdia egin dute, Google Cloud-en lankidetzarekin.

AA lehiaketa | Guggenheim Bilbao Museoa

18€ Helduak - 9€ Erretiratuak - 9€ Ikasleak

Guggenheim Bilbao Museoaren TopARTE ekimenak ingurune hurbileneko erakunde eta eragile kulturalekin duen konpromisoa berretsi nahi du. Elkarlan emankor horren ondorioz, askotariko programa bat sortu da; diziplina anitz biltzen ditu, eduki eta formatu ugari, eta guztiei zuzenduta dago.
Horrenbestez, ekimen horren esparruan, hainbat diziplinatako jarduerak aurkezten dira Museoan; besteak beste, arkitektura, zinema, dantza, diseinua, gastronomia, musika, performancea eta antzerkiarekin erlazionatutakoak.

Non gauden

Irisgarritasuna

Zerbitzuak

Gomendioak

Baliabideak

Inguruan

Argibideak

Ordutegia eta tarifak

Eraikina

Guggenheim Bilbao Museoaren Bildumako artelanak

Nahitaezkoak

Artelanak

Artistak

Kontserbazioa

KOSMO

Bilduma

Prestatu zure bisita

Bisita gidatuak eta taldeak

Ibilbideak

ZERO

Bisita liburua

Lan eskaintzak

Basque Artist Program

BASQUE INTERNSHIPS 2025

Sustainability Officer - GETTY

Enplegua eta praktikak

Egungo Kide Korporatiboak

Onurak

Ekitaldi korporatiboak

Museoaren irudia

Proiektuak babestea

Enpresen babesa

Kanpoaldea

Barrualdea

Eraikuntza

Frank Gehry

Denak

GBInsights

Bisita birtualak

Esperientziak

Ikuspuntuak

Dokumentalak

HARREMANETARAKO

Argibideak: Museora bisitaldiak, sarreren salmenta, erreserbak, ordutegiak… 
<a href="mailto:informacion@guggenheim-bilbao.eus">informacion@guggenheim-bilbao.eus</a>
Jarri gurekin harremanetan: 
<a href="mailto:contacto@guggenheim-bilbao.eus">contacto@guggenheim-bilbao.eus</a>

#MYGUGGENHEIMBILBAO

Guggenheim Bilbao Museoa

Solomon R. Guggenheim Museum

Peggy Guggenheim Collection

Guggenheim Abu Dhabi

Asteartetik igandera, 10:00–19:00 <a href="/eu/ordutegia-eta-tarifak">[+info]</a>

Jarduerak

Irailaren 10etik 30era

AA lehiaketa

Online arte-ikastaroa: Pop Artea, atzo eta gaur

Online arte-ikastaroa: Artea eta neurozientzia. Edertasunaz haratago: artistaren adimen sortzailea eta dibergentea

Online arte-ikastaroa: marrazkia arte garaikidean

Arte-ikastaroa online Gorputza eta identitatea arte garaikidean

Online arte-ikastaroa: Artea eta makinak: Lokomotorretik adimen artifizialera

Online arte-ikastaroa: Bigarren Mundu Gerraz geroztiko pintura abstraktua

Online Arte-Ikastaroa: Eduardo Chillida: Haren eskultura zergatik da unibertsala eta intenporala?

ONLINE ARTE-IKASTAROA. Zer ulertzen dugu arte garaikidetzat?

Online Arte-ikastaroa. Arte modernoaren eta garaikidearen “Maistra handiak”

Online Arte-ikastaroa: argazkigintza: haren jatorria eta arte garaikidean sartu zenekoa

Online arte-ikastaroa: Arte moderno eta garaikideko materialek kontatzen dutena

Online Arte-Ikastaroa: Film & Video. Irudia mugimenduan bitarteko artistiko gisa

Online Arte-Ikastaroa. Ikusezinak izatetik protagonista izatera: ezagutu beharreko XX. eta XXI. mendeetako emakume artistak

Sormen-saioa [+18] Mezuak ezohiko euskarrietan

Z ostiralak tailerra: adimen artifiziala eta arkitektura

IX. Guggenheim marrazten topaketa

Artea Ezagutzen ikastaroa “Artea, inguratzen gaituen munduaren isla gisa”

Artea-Ikastaroa Online. Arte garaikidearen egiturak